Devara: దేవర vs భైరవ… పార్ట్ 1కి ఇదే క్లైమాక్సా?

యంగ్ టైగర్‌ను మ్యాన్ ఆఫ్ మాసెస్‌గా మారుస్తూ కొరటాల శివ చేస్తున్న సినిమా దేవర. ఈ సినిమాతో ఇంతకుముందెన్నడు చూడని ఎన్టీఆర్‌ను చూడబోతున్నాం. ఇదే విషయాన్ని 80 సెకండ్ల గ్లింప్స్‌తో చెప్పేశాడు కొరటాల శివ. ప్రస్తుతం సోషల్ మీడియాలో టాప్‌లో ట్రెండ్ అవుతోంది దేవర గ్లింప్స్. బ్లడ్ మూన్ షాట్‌తో సోషల్ మీడియా మొత్తం ఎరుపెక్కిపోయింది. ఎర్ర సముద్రం అంటూ… ఎన్టీఆర్ చెప్పిన డైలాగ్ ఫ్యాన్స్‌కు పూనకాలు తెప్పిస్తుంది. అయితే… ఈ గ్లింప్స్‌లో హీరోయిన్ జాన్వీ కపూర్, విలన్‌గా నటిస్తున్న సైఫ్ అలీఖాన్‌లను మాత్రం చూపించలేదు. నెక్స్ట్ రానున్న దేవర టీజర్‌లో హీరోయిన్, విలన్ ఎంట్రీ ఉంటుంది. ఇదిలా ఉంటే నెక్స్ట్ జరగనున్న షెడ్యూల్‌లో మాత్రం హీరో, విలన్ పై భారీ ఫైట్ చిత్రీకరించనున్నట్టుగా తెలుస్తోంది.

Read Also: Guntur Kaaram: ఈ రోజు దద్దరిల్లిపోద్ది… SSMB 29 కోసం వెయిటింగ్

దేవర వర్సెస్ భైరవ కోసం స్పెషల్ యాక్షన్ సీక్వెన్స్ డిజైన్ చేస్తున్నారట. అందుకోసం రామోజీ ఫిల్మ్ సిటీలో ఓ భారీ సెట్‌ను వేస్తున్నట్లు తెలుస్తోంది. ఈ సీక్వెన్స్‌లో ఎన్టీఆర్, సైఫ్ అలీఖాన్‌ల పై భారీ యాక్షన్ సీన్స్‌ను ఘాట్ చేస్తారట. ఈ యాక్షన్ ఎపిసోడ్ సినిమాలో బిగ్గెస్ట్ ఫైట్‌గా ఉంటుందట. అయితే… హీరో, విలన్ తలపడుతున్నారంటే ఇదే క్లైమాక్స్ ఫైట్ కూడా అయి ఉండొచ్చు కానీ ఈ విషయంలో క్లారిటీ లేదు. అయితే… ఈ యాక్షన్ సీన్స్ విజువల్స్ మాత్రం చాలా వైల్డ్‌గా ఉంటాయట. దేవర చేసే ఊచకోతకు సముద్రమే కాదు… ఏప్రిల్ 5న థియేటర్లు కూడా ఎరుపెక్కనున్నాయి. దేవర సినిమాను దాదాపు 300 కోట్ల భారీ బడ్జెట్‌ ఖర్చు చేస్తున్నారు. ‘జనతా గ్యారేజ్’ గ్యారేజ్ తర్వాత ఎన్టీఆర్, కొరటాల నుంచి వస్తున్న సినిమా కావడంతో… రోజురోజుకూ అంచనాలు పెరుగుతున్నాయి. మరి దేవర ఎలా ఉంటుందో చూడాలి.