Yash Favorite Songs: తెలుగులో రాకింగ్ స్టార్ యశ్‌కి ఫేవరెట్ సాంగ్స్ ఇవేనట! లిస్ట్‌లో పవర్ స్టార్ పవన్ కళ్యాణ్ పాట..

Yash Favorite Songs: గీతూ మోహన్‌దాస్ డైరెక్షన్‌లో రాకింగ్ స్టార్ యశ్ హీరో అత్యంత ప్రతిష్ఠాత్మకంగా తెరకెక్కుతున్న చిత్రం టాక్సిక్. ఈ చిత్రాన్ని కేవీఎన్ ప్రొడక్షన్స్, యశ్‌కు చెందిన మాన్స్టర్ మైండ్ క్రియేషన్స్ సంయుక్తంగా భారీ స్థాయిలో నిర్మిస్తున్నాయి. యశ్‌తో పాటు నయనతార, కియారా అద్వానీ, హుమా ఖురేషి, తారా సుతారియా, రుక్మిణి వసంత తదితరులు కీలక పాత్రల్లో నటిస్తున్నారు. పాన్ ఇండియా స్థాయిలో తెరకెక్కుతున్న ‘టాక్సిక్’ చిత్రం కన్నడ, తెలుగు, హిందీ, తమిళం, మలయాళంతో పాటు ఇంగ్లీష్ భాషల్లోనూ ప్రేక్షకుల ముందుకు రానుంది. ఈ సినిమా ఆగస్టు 26, 2026న ప్రపంచవ్యాప్తంగా థియేటర్లలో విడుదల కానుంది. ఈ చిత్రంలో గీతూ మోహన్‌దాస్ యష్‌ను ఇప్పటి వరకు చూడని సరికొత్త అవతార్‌లో చూపించనున్నారని టాక్. కేజీఎఫ్ సిరీస్ తర్వాత యశ్ నటిస్తున్న సినిమా కావడంతో ‘టాక్సిక్’పై ప్రేక్షకులతో పాటు ట్రేడ్ వర్గాల్లోనూ భారీ అంచనాలు నెలకొన్నాయి. ఇక ‘టాక్సిక్’ ప్రీ రిలీజ్ ఈవెంట్‌ను ఆగస్టు 22న హైదరాబాద్‌లో ఘనంగా నిర్వహించారు.

ఈ సందర్భంగా యశ్ మాట్లాడుతూ.. తెలుగులో తన ఫేవరెట్ సాంగ్స్ ఏంటో చెప్పారు. పవర్ స్టార్ పవన్ కళ్యాణ్ నటించిన గబ్బర్ సింగ్ సినిమాలోని దేఖో దేఖో గబ్బర్ సింగ్ తనకు తెలుగులో ఫేవరెట్ సాంగ్ అని వెల్లడించారు. అలాగే మెగాస్టార్ చిరంజీవి నటించిన “శంకర్ దాదా జిందాబాద్” సినిమాలోని .. ఆకలేస్తే అన్నం పెడతా సాంగ్ కూడా తన ఫేవరెట్ సాంగ్ అని చెప్పుకున్నారు. దేవిశ్రీ ప్రసాద్ సాంగ్స్ అన్ని దాదాపు వింటానని అన్నారు. ఇకపోతే ‘టాక్సిక్’ కథ విషయానికి వస్తే ఈ సినిమా స్టోరీ 1940 నుంచి 1970 మధ్య కాలంలో పోర్చుగీస్ పాలనలో ఉన్న గోవా నేపథ్యంలో సాగనున్నట్లు తెలుస్తోంది. డ్రగ్ కార్టెల్, అండర్‌వరల్డ్, అధికారం, నమ్మకద్రోహం, ప్రతీకారం వంటి అంశాల చుట్టూ కథ తిరుగుతుందని సమాచారం. ఈ సినిమాలో యశ్‌ రెండు విభిన్న పాత్రల్లో కనిపించనున్నారు. కేజీఎఫ్ సిరీస్ తర్వాత యశ్ నటిస్తున్న సినిమా కావడంతో ‘టాక్సిక్’పై ప్రేక్షకులతో పాటు ట్రేడ్ వర్గాల్లోనూ భారీ అంచనాలు నెలకొన్నాయి.