Jananayagan : జననాయగన్ ట్విస్ట్.. ఒక ఎపిసోడ్ కోసమే 4.5 కోట్లు
నందమూరి బాలకృష్ణ హీరోగా, అనిల్ రావిపూడి దర్శకత్వంలో రూపొందిన ‘భగవంత్ కేసరి’ అనే సినిమా తెలుగు ప్రేక్షకులలో మంచి క్రేజ్ సంపాదించింది, బాక్సాఫీస్ వసూళ్లతో సంబంధం లేకుండా. ఈ సినిమాను తమిళంలో రీమేక్ చేస్తున్నట్లు చాలా వార్తలు వస్తున్న సంగతి తెలిసిందే. ‘భగవంత్ కేసరి’ దర్శకుడు అనిల్ రావిపూడి కూడా ఒక సందర్భంలో ఈ విషయంపై మాట్లాడుతూ, తాను ఇప్పుడు ఏమీ చెప్పలేనని, అధికారికంగా ఎవరైనా ప్రకటిస్తే బాగుంటుందని వ్యాఖ్యానించారు. నిజానికి, ఈ సినిమాను కెవిఎన్ ప్రొడక్షన్ బ్యానర్పై హెచ్. వినోద్ దర్శకత్వంలో ‘జననాయగన్’ అనే పేరుతో రూపొందిస్తున్నారు. ఈ సినిమాలో విజయ్ హీరోగా నటిస్తున్నారు. ఇది విజయ్కు చివరి సినిమాగా చెబుతున్నారు.
Also Read : Salman Khan: కల్నల్ సంతోష్ బాబు పాత్రలో సల్మాన్ ఖాన్?
అయితే, ఇది ‘భగవంత్ కేసరి’ రీమేక్ అని అందరూ అనుకున్నప్పటికీ, అది నిజం కాదని తెలుస్తోంది. అసలు విషయం ఏమిటంటే, విజయ్ ఈ సినిమా కథను చూశారట. చూసిన తర్వాత, ‘గుడ్ టచ్, బ్యాడ్ టచ్’ ఎపిసోడ్కు బాగా కనెక్ట్ అయ్యారని చెబుతున్నారు. ఆ ఎపిసోడ్ను ఉపయోగించేందుకు కేవలం నాలుగున్నర కోట్ల రూపాయలను నిర్మాత సాహుకి చెల్లించినట్లు తెలుస్తోంది. ఆ ఎపిసోడ్ తప్ప, ‘జననాయగన్’ సినిమాకు ‘భగవంత్ కేసరి’తో ఎలాంటి సంబంధం లేదని అంటున్నారు. ఈ ఒప్పందం కోసం ఏకంగా నాలుగున్నర కోట్లు వెచ్చించారని, ఇది షైన్ స్క్రీన్స్ నిర్మాత సాహుకి అదనపు ఆదాయంగా పరిగణించాలని చెబుతున్నారు. ఈ ‘జననాయగన్’ సినిమాను సంక్రాంతి 2026కి రిలీజ్ చేయడానికి ప్లాన్ చేస్తున్నట్లు తెలుస్తోంది.