Adarsha Kutumbam: విక్టరీ వెంకటేష్, మాటల మాంత్రికుడు త్రివిక్రమ్ శ్రీనివాస్ క్రేజీ కాంబోలో రూపుదిద్దుకుంటున్న మోస్ట్ అవేటెడ్ మూవీ ‘#AK47’ (ఆదర్శ కుటుంబం). వీరి కాంబో అంటేనే ఫ్యామిలీ ఆడియన్స్తో పాటు మాస్ ప్రేక్షకుల్లోనూ అంచనాలు ఆకాశాన్ని తాకుతాయి. అయితే దసరా కానుకగా అక్టోబర్ 2న థియేటర్లలోకి రావాల్సిన ఈ ప్రతిష్టాత్మక చిత్రంపై మేకర్స్ ఊహించని అప్డేట్ ఇచ్చారు. సినిమా రిలీజ్ను వారం రోజుల పాటు వాయిదా వేస్తున్నట్లు ప్రకటించి అభిమానులకు షాకిచ్చారు. ముందుగా ప్రకటించిన తేదీ కంటే వారం రోజులు ఆలస్యంగా, అంటే అక్టోబర్ 9న ప్రపంచవ్యాప్తంగా ‘ఆదర్శ కుటుంబం’ చిత్రాన్ని ప్రేక్షకుల ముందుకు తీసుకురానున్నట్లు నిర్మాణ సంస్థ హారిక అండ్ హాసిని క్రియేషన్స్ అధికారికంగా వెల్లడించింది.
“కాస్త ఆలస్యంగా వస్తున్నాం.. కానీ అందించే వినోదం మాత్రం బాక్సాఫీస్ వద్ద బ్లాక్బస్టర్ రేంజ్లో బద్దలవుతుంది” అని చిత్ర యూనిట్ భరోసా ఇచ్చింది. పోస్ట్ ప్రొడక్షన్ పనుల్లో రాజీ పడకూడదనే ఉద్దేశంతో పాటు, పండుగ సెలవులను పకడ్బందీగా ఒడిసిపట్టేలా మేకర్స్ ఈ కీలక మార్పు చేసినట్లు ట్రేడ్ వర్గాల్లో గుసగుసలు వినిపిస్తున్నాయి. వెంకటేష్ కెరీర్లో 77వ ప్రాజెక్ట్గా తెరకెక్కుతున్న ఈ సినిమాలో కేజీఎఫ్ ఫేమ్ శ్రీనిధి శెట్టి, నివేదా పేతురాజ్ కీలక పాత్రల్లో నటిస్తున్నారు. అంతేకాకుండా హీరో నారా రోహిత్ ఒక కీలక పాత్రలో మెరవనుండటం సినిమాపై మరింత హైప్ పెంచుతోంది. ఎస్.రాధాకృష్ణ నిర్మిస్తున్న ఈ భారీ ఎంటర్టైనర్కు ఎస్.తమన్ సంగీతం అందిస్తున్నారు. కుటుంబ కథా చిత్రాలకు తనదైన పంచ్ డైలాగ్స్ జోడించి బాక్సాఫీస్ హిట్స్ కొట్టడంలో త్రివిక్రమ్కు తిరుగులేదు. మరి వారం వెనక్కి జరిగిన ఈ ‘AK47’ దసరా బరిలో ఎలాంటి సంచలనాలు సృష్టిస్తుందో చూడాలి.
#AK47 will be arriving a week later, but we promise you… BLOCKBUSTER ENTERTAINMENT! 🔥❤️#AadarshaKutumbam 🏠 now arrives in theatres on OCTOBER 9th! 💥💥#AK47OnOct9th 🔥#Venky77 | #VenkateshXTrivikram |
Victory @VenkyMama #Trivikram @SrinidhiShetty7 @IamRohithNara… pic.twitter.com/gFdaK0wqYU
— Haarika & Hassine Creations (@haarikahassine) September 22, 2026