The Paradise Censor Cuts: నాని ‘ది ప్యారడైజ్’ పై సెన్సార్ కత్తెర.. ఏకంగా 21 కట్స్!

The Paradise Censor Cuts: న్యాచురల్ స్టార్ నాని, యంగ్ డైరెక్టర్ శ్రీకాంత్ ఓదెల కాంబోలో అత్యంత ప్రతిష్ఠాత్మకంగా తెరకెక్కతున్న సినిమా ‘ది ప్యారడైజ్’. ప్రస్తుతం ఈ సినిమా చుట్టూ ఇప్పుడు అనూహ్యమైన పొలిటికల్ దుమారం స్టార్ట్ అయ్యింది. ఈమూవీ సెన్సార్ పూర్తి చేసుకున్న వేళ వెలుగు చూసిన అంశాలు ఇప్పుడు యావత్ సినీ పరిశ్రమను విస్మయానికి గురిచేస్తున్నాయి. కేవలం రా యాక్షన్ మాత్రమే కాకుండా, ఈ చిత్రంలో సమకాలీన రాజకీయాలను టార్గెట్ చేస్తూ అత్యంత వివాదాస్పద డైలాగులు, రాజకీయ నాయకుల ప్రస్తావనలు ఉన్నట్లు తాజాగా బయటపడటంతో ఒక్కసారిగా సినిమాపై హైప్ పతాకస్థాయికి చేరింది. సాధారణంగా సినిమాల్లో హింసపై ఆంక్షలు విధించడం సహజం. కానీ ‘ది ప్యారడైజ్’ విషయంలో సెన్సార్ బోర్డు ప్రధానంగా రాజకీయ అంశాలపైనే గట్టిగా దృష్టి సారించినట్లు స్పష్టమవుతోంది.

కథలో నేరుగా కొందరు పొలిటికల్ లీడర్ల పేర్లు వినిపించడం, రాజకీయ వ్యవస్థను ఎండగట్టే తీవ్రమైన సంభాషణలు ఉండటంతో బోర్డు సభ్యులు తీవ్ర అభ్యంతరం వ్యక్తం చేసినట్లు సమాచారం. ఆ వివాదాస్పద పేర్లతో పాటు కీలక డైలాగులను తక్షణమే తొలగించాలని లేదా మార్పులు చేయాలని స్పష్టమైన ఆదేశాలు జారీ చేసినట్లు తెలుస్తోంది. అసలు డైరెక్టర్ శ్రీకాంత్ ఓదెల కథలో టార్గెట్ చేసిన ఆ అగ్ర రాజకీయ నేతలు ఎవరు? ఎలాంటి రాజకీయ సంచలనాలకు ఈ చిత్రం వేదిక కానుంది? అనే ప్రశ్నలు ప్రస్తుతం సోషల్ మీడియాలో హాట్ టాపిక్‌గా మారాయి. సెన్సార్ బోర్డు నిబంధనల ప్రకారం చిత్ర యూనిట్ ఏకంగా 21 మార్పులు చేయాల్సి వచ్చింది. సినిమాలో చూపించిన రక్తపాతం, టార్చర్ సన్నివేశాలను చాలా వరకు ట్రిమ్ చేశారు. అభ్యంతరకర పదజాలాన్ని మ్యూట్ చేయగా, పలు చోట్ల స్మోకింగ్, సిగరెట్ బ్రాండ్ల వివరాలను మార్చేశారు. ఈ క్రమంలో దాదాపు 25 సెకన్ల విజువల్స్‌ను శాశ్వతంగా తొలగించగా, వివాదాస్పదంగా ఉన్న మరో నిమిషం 25 సెకన్ల దృశ్యాలను ఇతర సన్నివేశాలతో రీప్లేస్ చేయడం గమనార్హం. అన్ని కట్స్, మార్పులు ముగిసిన తర్వాత సినిమా నిడివి 2 గంటల 54 నిమిషాల 4 సెకన్లుగా ఫిక్స్ అయ్యింది. దాదాపు మూడు గంటల పాటు సాగే ఈ భారీ యాక్షన్ డ్రామాలో డైరెక్టర్ ఎంత బోల్డ్‌గా, సమాజంలోని వాస్తవాలను వెండితెరపై ఆవిష్కరించారో ఈ సెన్సార్ రిపోర్ట్ స్పష్టం చేస్తోంది. సెన్సార్ ఆంక్షల నడుమ సెప్టెంబర్ 24న ప్రేక్షకుల ముందుకు రానున్న ‘ది ప్యారడైజ్’ బాక్సాఫీస్ వద్ద ఎలాంటి వసూళ్ల ప్రభంజనం సృష్టిస్తుందో చూడాలి.