Suriya: సూర్య -వెంకీ సినిమాకి రికార్డ్ బడ్జెట్?

తాజాగా సూర్య రెట్రో సినిమాతో ప్రేక్షకుల ముందుకు వచ్చిన సంగతి తెలిసిందే. కార్తీక్ సుబ్బరాజ్ దర్శకత్వం వహించిన ఈ సినిమా డిజాస్టర్ టాక్ తెచ్చుకుంది. కలెక్షన్స్ విషయంలో ఓపెనింగ్స్ నిలబెట్టినా, సినిమా లాంగ్ రన్‌లో కష్టమేననే మాట వినిపిస్తోంది. ఆ సంగతి పక్కనపెడితే, సూర్య తన తదుపరి చిత్రాన్ని టాలీవుడ్ దర్శకుడు వెంకీ అట్లూరితో చేయబోతున్నాడు. తెలుగులో కొన్ని సినిమాలు చేసిన వెంకీ అట్లూరి, తమిళ హీరో ధనుష్‌తో సార్, మలయాళ హీరో దుల్కర్ సల్మాన్‌తో లక్కీ భాస్కర్ సినిమాలు చేసి సూపర్ హిట్స్ అందుకున్నాడు.

Read More:Prabhas: మరోసారి ప్రభాస్‌తో దీపికా?

ఇప్పుడు ఆయన సూర్యతో సినిమా చేయబోతున్నాడు. లక్కీ భాస్కర్ సినిమా అద్భుతంగా నచ్చడంతో పాటు, వెంకీ చెప్పిన కథ కూడా బాగా నచ్చడంతో సూర్య వెంటనే గ్రీన్ సిగ్నల్ ఇచ్చినట్లు తెలుస్తోంది. ఈ సినిమాకు సంబంధించి ఒక ఆసక్తికరమైన వార్త తెరమీదకు అచ్చింది. అదేమంటే, ఈ సినిమాకి 120 కోట్ల రూపాయల బడ్జెట్ ఫిక్స్ చేసుకున్నారని, అందులో 50 కోట్ల రూపాయలు కేవలం సూర్య రెమ్యూనరేషన్‌గా ఉండబోతున్నాయని అంటున్నారు. అయితే, సూర్య ట్రాక్ రికార్డ్‌ను బట్టి పరిశీలిస్తే, ఇది బాగా భారీగా ఖర్చు పెట్టబోతున్న సినిమాగా నిలవబోతుంది.

Read More:Sudheer Babu : ‘జటాధర’ మూవీలో మహేష్ బాబు మరదలు..!

ఎందుకంటే, సూర్య సాలిడ్ హిట్స్‌ కొట్టి కొన్ని ఏళ్ళు అవుతోంది. అయినప్పటికీ, ఇండియన్ సినిమా చరిత్రలో అద్భుతమైన నటీనటులలో సూర్య కూడా ఒకరు. నిజానికి, డైరెక్ట్ తెలుగు సినిమా చేయడానికి చాలా కాలంగా సూర్య ప్రయత్నిస్తున్నాడు. చివరకు ఈ సినిమా దొరకడంతో, ఆయన ఇప్పుడు డైరెక్ట్ తెలుగు సినిమా చేసి, దాన్ని తమిళంలో కూడా రిలీజ్ చేయబోతున్నాడు. సితార ఎంటర్‌టైన్‌మెంట్ సంస్థ నిర్మించబోతున్న ఈ చిత్రానికి జీవీ ప్రకాష్ కుమార్ సంగీతం అందించబోతున్నాడు.