Rao Bahadur Teaser: వైవిధ్యమైన పాత్రలతో తనదైన గుర్తింపు తెచ్చుకున్న టాలెంటెడ్ హీరో సత్యదేవ్ (Satya Dev) ప్రధాన పాత్రలో నటిస్తున్న తాజా చిత్రం ‘రావు బహదూర్’ (Rao Bahadur Teaser). జీఎంబీ ఎంటర్టైన్మెంట్స్ సమర్పణలో అనురాగ్ రెడ్డి, శరత్ చంద్ర, చింతా గోపాలకృష్ణ రెడ్డి నిర్మిస్తున్న ఈ చిత్రాన్ని డైరెక్టర్ వెంకటేష్ మహా తెరకెక్కిస్తున్నారు. తాజాగా ఈ సినిమాకి సంబంధించిన అఫీషియల్ టీజర్ను మేకర్స్ రిలీజ్ చేశారు. ఈ టీజర్ గమనిస్తే.. ఇదొక విభిన్నమైన – ఆసక్తికరమైన కాన్సెప్ట్తో తెరకెక్కుతున్నట్లు స్పష్టమవుతోంది. సత్యదేవ్ తన లుక్ – నటనతో మరోసారి ఆకట్టుకునున్నారు.
ఒక పెద్ద భవనం (భువనాలయము), అందులో జరిగే విచిత్రమైన పరిణామాలు, ఒక వైపు కామెడీగా కనిపిస్తూనే మరోవైపు మిస్టరీని క్రియేట్ చేసేలా టీజర్ కట్ చేసిన తీరు ఆకట్టుకుంటోంది. ఇందులో సత్యదేవ్ రామప్ప అనే పాత్రలో కనిపించనున్నారు.‘జీవితం సంకనాకిపోయినప్పుడు ఆటోమేటిక్గా ఆ శక్తులు సిద్ధిస్తాయి’ అంటూ చివర్లో సత్యదేవ్ చెప్పే డైలాగ్ సినిమాపై మరింత క్యూరియాసిటీని పెంచుతోంది. టీజర్లోని విజువల్స్, బ్యాక్గ్రౌండ్ స్కోర్ సినిమా మూడ్ను బాగా ఎలివేట్ చేశాయి. ఈ చిత్రం జూలై 3వ తేదీన ప్రేక్షకుల ముందుకు రానుంది. ‘రావు బహదూర్’ సినిమాతో సత్యదేవ్, వెంకటేష్ మహా కాంబినేషన్ ఎలాంటి విజయాన్ని అందుకుంటుందో చూడాలి.
