Salman Khan: సల్మాన్ ఖాన్ ఫ్యాన్స్ పండుగ చేసుకునే న్యూస్.. యనిమల్ ను మించే సినిమా ఫిక్స్?

చేసింది రెండే సినిమాలు అయినా దేశవ్యాప్తంగా ప్రతి ఒక్కరూ గుర్తుపట్టేలా ఆ సినిమాలు డైరెక్ట్ చేయడంలో సందీప్ రెడ్డి వంగా నిష్ణాతుడు అనడంలో ఎలాంటి సందేహం లేదు. ముందుగా తెలుగులో అర్జున్ రెడ్డి అనే సినిమా చేసి దాన్నే హిందీలో కబీర్ సింగ్ పేరుతో రీమేక్ చేశాడు. ఆ సినిమా సూపర్ హిట్ కావడంతో తర్వాత రణబీర్ కపూర్ హీరోగా యానిమల్ అనే సినిమా చేసి మరో బ్లాక్ బస్టర్ హిట్ కొట్టాడు. సినిమా బాలేదని కొంతమంది, స్త్రీలను తప్పుగా చూపించారని కొంతమంది కామెంట్లు చేస్తున్నారు. అయితే సినిమాకి బ్రహ్మరథం పట్టిన వారే ఎక్కువ మంది ఉన్నారు. ఎందుకంటే దాదాపుగా 1000 కోట్ల రూపాయల వరకు కలెక్షన్లతోపాటు డిజిటల్ స్ట్రీమింగ్ హక్కుల మేర డబ్బులు తెచ్చి పెట్టిన ఈ యానిమల్ తర్వాత సందీప్ రెడ్డి వల్ల ఎవరితో సినిమా చేస్తాడా అనే విషయం మీద అనేక చర్చలు జరుగుతున్నాయి.

Also Read; Dhanush -Nag: మళ్లీ డాన్ అవుతున్న నాగ్.. ఇంట్రస్టింగ్ టైటిల్ ఫిక్స్

నిజానికి ముందుగానే ప్రభాస్ హీరోగా స్పిరిట్ అనే సినిమా చేయడానికి అంతా సిద్ధమైంది. కానీ ప్రభాస్ ఇప్పట్లో షూటింగ్లో పాల్గొనలేక పోతున్న నేపద్యంలో సందీప్ రెడ్డి వేరే కథల సిద్ధం చేసుకునే పనిలో పడ్డారు. ఈ క్రమంలోనే ఆయన సల్మాన్ ఖాన్ కోసం ఒక డార్క్ క్రైమ్ థ్రిల్లర్ కథ రాసుకొని సల్మాన్ కి కథ చెప్పడంతో అది ఆయనకు బాగా నచ్చిందని ఈ సినిమా కచ్చితంగా చేయాలని సల్మాన్ పట్టుబట్టినట్లు తెలుస్తోంది. దీంతో సల్మాన్ అభిమానులు అయితే ఇప్పుడు పండగ చేసుకునేలా కనిపిస్తున్నారు. ఎందుకంటే సల్మాన్ ఖాన్ కి సాలిడ్ హిట్ వచ్చి చాలా కాలం అయింది. ఈ నేపథ్యంలో యానిమల్ తర్వాత యానిమల్ ను మించేలాంటి కథతో సందీప్ రెడ్డి కచ్చితంగా వస్తాడని, తమ హీరోకి పాత బ్రేకింగ్ హిట్ ఇస్తాడని వారంతా నమ్ముతున్నారు. అయితే ఇది ప్రచారమే కాగా నిజానిజాలు ఎంతవరకు ఉన్నాయి అనేది అధికార ప్రకటన వస్తేగానీ చెప్పలేం.