RC17 : రామ్ చరణ్ – సుకుమార్ సినిమాకు టైం వచ్చేసింది!

మెగా పవర్ స్టార్త రామ్ చరణ్, డైరెక్టర్ సుకుమార్ కాంబినేషన్‌లో రాబోతున్న అత్యంత ప్రతిష్టాత్మక చిత్రం RC17. ‘రంగస్థలం’ వంటి ఇండస్ట్రీ హిట్ తర్వాత ఈ ఇద్దరి కలయికలో సినిమా వస్తుండటం, పుష్ప 2 వంటి బిగ్గెస్ట్ బ్లాక్ బస్టర్ తర్వాత సుకుమార్ చేస్తున్న సినిమా కావడంతో.. అనౌన్స్మెంట్‌తోనే ఆర్సీ 17 పై అంచనాలు ఆకాశాన్ని తాకుతున్నాయి. తాజాగా ఈ సినిమా షూటింగ్ ఎప్పుడు మొదలవుతుందనే విషయంపై ఓ క్లారిటీ వచ్చింది. ప్రస్తుతం పెద్ది సినిమాతో బిజీగా ఉన్నాడు రామ్ చరణ్. ఈ సినిమా షూటింగ్ దాదాపుగా కంప్లీట్ అయిపోయింది.

జూన్‌లో పెద్ది రిలీజ్‌కు సన్నాహాలు చేస్తున్నారు. దీంతో.. నెక్స్ట్ ఆర్సీ 17కి రంగం సిద్ధమవుతోంది. తాజా సమాచారం ప్రకారం ఈ భారీ ప్రాజెక్టు షూటింగ్ ఈ ఏడాది జూన్ 25 నుంచి ప్రారంభం కానుంది. ఇప్పటికే ఈ సినిమాకు సంబంధించిన స్క్రిప్ట్ పనులు జరుగుతున్నాయి. ఈసారి సుకుమార్ తనదైన శైలిలో ఒక పవర్‌ఫుల్ కథను సిద్ధం చేశారని తెలుస్తోంది. జూన్‌లో షూటింగ్ ప్రారంభించి, వీలైనంత త్వరగా చిత్రీకరణ పూర్తి చేయాలని టీమ్ ప్లాన్ చేస్తోంది. ఖచ్చితంగా.. ‘రంగస్థలం’ మ్యాజిక్ రిపీట్ అవుతుందని ఫ్యాన్స్ ధీమాగా ఉన్నారు. అయితే, ఈ చిత్రానికి రాక్ స్టార్ దేవి శ్రీ ప్రసాద్ సంగీతం అందించే అవకాశాలు తక్కువగా ఉన్నట్టుగా తెలుస్తోంది. ఆయన ప్లేస్‌లో పలువురు సంగీత దర్శకుల పేర్లు వినిపిస్తున్నాయి. త్వరలోనే ఆర్సీ 17 మిగతా నటీ నటులతో పాటు మ్యూజిక్ డైరెక్టర్ విషయంలో క్లారిటీ రానుంది. ఏదేమైనా.. ఈసారి సుకుమార్ రామ్ చరణ్‌తో ఎలాంటి సినిమా చేస్తాడా? అని అంతా ఈగర్‌గా వెయిట్ చేస్తున్నారు.