Ramya Krishnan Birthday: ‘కమలా రెడ్డి’గా రమ్యకృష్ణ ఉగ్రరూపం.. శివగామిని మించి పోయేలా..!

Ramya Krishnan as Kamala Reddy in David Reddy: మంచు మనోజ్‌ ప్రధాన పాత్రలో నటిస్తున్న చిత్రం ‘డేవిడ్‌ రెడ్డి’. హనుమా రెడ్డి దర్శకత్వంలో తెరకెక్కుతున్న ఈ సినిమాను భరత్ మోతుకూరి, వెంకటరెడ్డి నల్లగంగుల నిర్మిస్తున్నారు. 1897 నుంచి 1920ల మధ్య బ్రిటిష్‌ కాలం నాటి నేపథ్యంలో ఈ చిత్రాన్ని రూపొందిస్తున్నారు. ఈ సినిమాలో మరియా రియాబోషాప్కా కథానాయికగా నటిస్తుండగా.. సముద్రఖని, రమ్యకృష్ణ, అభయ్ డియోల్‌ వంటి ప్రముఖ నటులు కీలక పాత్రల్లో కనిపించనున్నారు.

నేడు రమ్యకృష్ణ పుట్టినరోజు సందర్భంగా డేవిడ్‌ రెడ్డి చిత్రబృందం ఆమె ఫస్ట్‌లుక్‌ పోస్టర్‌ను విడుదల చేసింది. ఇందులో ఆమె కమలా రెడ్డి పాత్రలో నటిస్తున్నట్లు పేర్కొంది. పోస్టర్‌లో రమ్యకృష్ణ లుక్‌ చాలా పవర్‌ఫుల్‌గా ఉండటంతో.. సినిమాపై అంచనాలు మరింత పెరిగాయి. ఆమె పాత్ర కథలో కీలకంగా ఉండటంతో పాటు సినిమాకే ప్రధాన హైలైట్‌గా నిలవబోతున్నట్లు చిత్రబృందం పేర్కొంది. ఈ ఫస్ట్‌లుక్‌ను చూస్తే ‘బాహుబలి’లో శివగామిగా రమ్యకృష్ణ చూపించిన పవర్‌ఫుల్‌ ఇమేజ్‌ మరోసారి గుర్తుకొస్తోంది. అయితే డేవిడ్‌ రెడ్డిలో కమలా రెడ్డి పాత్ర అంతకు మించిన ఉగ్రరూపంలో ఉండబోతుందనే ఆసక్తి కలుగుతోంది. బాహుబలి తర్వాత రమ్యకృష్ణకు మరోసారి ఆ స్థాయిలో గుర్తుండిపోయే పాత్ర దక్కినట్లే కనిపిస్తోంది.

మంచు మనోజ్‌ కూడా తన అధికారిక ఎక్స్‌ ఖాతా ద్వారా రమ్యకృష్ణకు పుట్టినరోజు శుభాకాంక్షలు తెలిపారు. ఆమెతో కలిసి నటించడం తనకు దక్కిన గౌరవమని పేర్కొంటూ.. డేవిడ్‌ రెడ్డి నుంచి ఉగ్రరూపం దాల్చిన కమలా రెడ్డిని పరిచయం చేస్తున్నామని చెప్పారు. ముఖ్యంగా సినిమాలో రమ్యకృష్ణ యాక్షన్‌ సన్నివేశాల్లో కనిపించే వరకు వేచి చూడాలని అభిమానులను కోరారు. డేవిడ్‌ రెడ్డిలో రమ్యకృష్ణ పాత్ర ఎలా ఉండబోతోంది?.. ఆమె యాక్షన్‌ సన్నివేశాలు ఏ స్థాయిలో ఉంటాయి? అనే ఆసక్తి ప్రేక్షకుల్లో నెలకొంది. మంచు మనోజ్‌ కెరీర్‌లో ప్రత్యేకమైన చిత్రంగా తెరకెక్కుతున్న ఈ మూవీ.. రమ్యకృష్ణ పాత్రతో మరింత ప్రత్యేకతను సంతరించుకుంది.

One look. The entire frame belongs to her. 🔥

Happy Birthday, @meramyakrishnan garu! ❤️🙏🏻 An honour to share the screen with you!

Presenting the ferocious #KamalaReddy from #DavidReddy. ⚔️

Just wait till you see her in action. 🔥#HBDRamyaKrishnan garu pic.twitter.com/MDcVqlEsiA

— Manoj Manchu🙏🏻❤️ (@HeroManoj1) September 15, 2026