Ram Pothineni New Movie: రామ్ పోతినేని నెక్స్ట్ మూవీ ఫిక్స్.. ఊహించని డైరెక్టర్?

Ram Pothineni Next Movie With Logi Vignesh: ఎనర్జిటిక్ హీరో రామ్ పోతినేని చివరగా ‘ఆంధ్రా కింగ్ తాలుకా’ చిత్రంతో ప్రేక్షకుల్ని పలకరించారు. ఎన్నో ఆశలు పెట్టుకున్న ఈ సినిమా పూర్తిగా నిరాశపరిచింది. బాక్సాఫీస్ వద్ద గట్టిగానే బోల్తా పడింది. ఆంధ్రా కింగ్ తాలుకా తర్వాత ఇంతవరకు రామ్ కొత్త కబురేమీ వినిపించలేదు. ఈ గ్యాప్‌లో రామ్ పలువురు దర్శకుల కథలు విన్నట్లు సమాచారం. అంతేకాదు తానే స్వయంగా ఒక కథను కూడా సిద్ధం చేసుకున్నారట. అయితే ఇప్పటివరకు ఏ ప్రాజెక్ట్ కూడా ఫైనల్ కాలేదు.

ఇలాంటి సమయంలో రామ్ పోతినేని తన నెక్స్ట్ మూవీకి గ్రీన్ సిగ్నల్ ఇచ్చినట్లు టాలీవుడ్ వర్గాల్లో వార్తలు వినిపిస్తున్నాయి. ప్రముఖ దర్శకుడు లోకేష్ కనగరాజ్ శిష్యుడు లోగి విఘ్నేశ్‌ చెప్పిన కథకు రామ్ ఓకే చెప్పాడని తెలుస్తోంది. ప్రస్తుతం ఈ సినిమాకు సంబంధించిన ప్రీ ప్రొడక్షన్ పనులు వేగంగా జరుగుతున్నాయని సమాచారం. నిర్మాణ సంస్థపై స్పష్టత రాగానే అధికారికంగా ప్రకటించనున్నారని న్యూస్ చక్కర్లు కొడుతున్నాయి.

Also Read: RCB Sale Price: ఐపీఎల్ చరిత్రలో మరో సంచలన డీల్.. ఆర్‌సీబీ కొత్త ఓనర్స్ ఎవరంటే?

రామ్ కొత్త సినిమా యాక్షన్ థ్రిల్లర్ నేపథ్యంలో రూపొందనుందని సమాచారం. భారీ బడ్జెట్‌తో, స్టైలిష్ టేకింగ్‌తో ఈ ప్రాజెక్ట్‌ను తెరకెక్కించేందుకు మేకర్స్ ప్లాన్ చేస్తున్నారు. రామ్ పోతినేని కూడా ఈ సినిమాలో కొత్త లుక్‌లో కనిపించే అవకాశాలు ఉన్నాయని టాక్ వినిపిస్తోంది. మొత్తంగా రామ్ నెక్స్ట్ మూవీపై నెలకొన్న అనిశ్చితికి తెరపడినట్టే కనిపిస్తోంది. అధికారిక ప్రకటన త్వరలోనే వెలువడే అవకాశం ఉంది. ఈ ప్రాజెక్ట్‌తో అయినా రామ్ బాక్సాఫీస్ వద్ద సత్తా చాటుతాడా లేదా అన్నది ఇప్పుడు ఆసక్తికరంగా మారింది.