Salaar 2: సలార్ 2 నుంచి షాకింగ్ అప్డేట్.. ఇక పండగే!

ప్రభాస్ అభిమానులు ఎంతో ఆసక్తికరంగా ఎదురు చూస్తున్న సలార్ 2 సినిమాకి సంబంధించిన ఒక అప్డేట్ సోషల్ మీడియాలో వైరల్ అవుతుంది. నిజానికి ఈ సినిమా ఎప్పుడు ఉంటుందో ఎవరికీ క్లారిటీ లేకుండా పోయింది. ఎన్టీఆర్ తో ప్రశాంత్ నీల్ చేయాల్సిన సినిమా తరువాతే ఈ సినిమా ఉండే అవకాశం ఉందని ప్రచారం జరిగింది. అయితే ఈ సినిమాకు సంబంధించి ఇప్పటికే 20 రోజులు షెడ్యూల్ పూర్తయిందని ఆ షెడ్యూల్లో ప్రభాస్ కూడా జాయిన్ అయ్యాడు అని తెలుస్తోంది. సినిమా మొదటి భాగంలో ఏర్పరిచిన ఆసక్తి కారణంగా సలార్ 2 మీద భారీ అంచనాలు ఉన్నాయి. నిజానికి ముందుగా ప్లాన్ చేసిన ప్రకారం ఆగస్టు 10వ తేదీ నుంచి రామోజీ ఫిలిం సిటీలో 15 రోజుల సలార్ టు షెడ్యూల్ చేయాల్సి ఉంది.

Prabhas Hanu: రిలాక్స్ బాయ్స్.. ప్రభాస్-హను మూవీ లేటెస్ట్ అప్డేట్ ఇదే!

కానీ పలు కారణాలతో ఆ షెడ్యూల్ పూర్తికాలేదు ఇప్పటికీ రామోజీ ఫిలిం సిటీ లో సలార్ 2 కోసం సిద్ధం చేసిన సెట్ అలాగే ఉందని తెలుస్తోంది. అయితే తాజాగా లీక్ అయిన సమాచారం ప్రకారం సలార్ 2 సినిమా షూటింగ్ ఇప్పటికే 20 రోజులు పాటు జరిగింది కాబట్టి ఆ సినిమాకి ఎలాంటి ఢోకా లేదని అంటున్నారు. అయితే ప్రశాంత్ నీల్ జూనియర్ ఎన్టీఆర్ తో ఒక సినిమా ఒప్పుకున్న కారణంగా ముందు ప్రభాస్ సినిమా చేస్తాడా? ఎన్టీఆర్ సినిమా చేస్తాడా? లేదా రెండు ఒకేసారి చేస్తాడా? అనే విషయం మీద క్లారిటీ లేదు. ఇక ఖాన్సార్ అనే ఒక ఊహజనిత రాష్ట్రం గురించి సలార్ సినిమాలో చర్చించారు. ఆ రాష్ట్ర ఆధిపత్యం ఎవరికి దక్కుతుంది అనే కాన్సెప్ట్ తో సలార్ మొదటి భాగం నడిచింది. రెండో భాగానికి ఎన్నో అనుమానాలు రేకెత్తించగా ఈ రెండవ భాగం కోసం ఎంతో ఆసక్తికరంగా ఎదురుచూస్తున్నారు ప్రేక్షకులు.