Prabhas Photo Leaked : ప్రభాస్ కొత్త సినిమా రాజా డీలక్స్ ఫోటో లీక్.. వైరల్
Prabhas Photo Leaked : బాహుబలి సినిమా తర్వాత తీసిన ప్రతీ సినిమా ప్లాప్ కావడంతో సాలీడ్ హిట్ కోసం చూస్తున్నాడు ప్రభాస్. బాహుబలి ఎంతటి సంచలనాలు సృష్టించిందో తెలిసిందే.. ఆ తర్వాత వచ్చిన సాహో, రాధేశ్యామ్ ఫ్లాప్ కావడంతో ఇక మీదట తీసే సినిమాల విషయంలో చాలా జాగ్రత్త పడుతున్నాడు రెబల్ స్టార్. కొన్ని నెలల కిందట ప్రభాస్ నటించిన ఆదిపురుష్ సినిమా టీజర్కు నెగిటివ్ టాక్ రావడంతో మళ్లీ రీ షూట్ చేసే పనిలో ఉన్నారు చిత్ర యూనిట్. ఇక ప్రభాస్ చేతిలో ప్రస్తుతం మూడు సినిమాలున్నాయి. అందులో మారుతి దర్శకత్వంలో తెరకెక్కుతున్న హార్రర్ డ్రామా ‘రాజా డీలక్స్’. ప్రస్తుతం చిత్రయూనిట్ సెకండ్ షెడ్యూల్ జరుపుకుంటుంది. ఎలాంటి సందడి లేకుండా లో ప్రొఫైల్లో ఈ సినిమా షూటింగ్ జరుగుతుంది. ఇదిలా ఉంటే షూటింగ్ సెట్లో ప్రభాస్కు సంబంధించిన ఫోటో ఒకటి లీక్ అయింది. ప్రస్తుతం ఆ ఫోటో నెట్టింట వైరల్గా మారింది.
Read Also: Jr.NTR: ‘లే బాబాయ్.. లే’ చలపతిరావు మృతిపై జూ.ఎన్టీఆర్ భావోద్వేగం
లీకైన ఫోటోలో ప్రభాస్, మారుతి పక్క పక్కనే కూర్చున్నారు. ప్రభాస్ లుక్ కూడా కొత్తగా ఉంది. ఈ ఫోటోతో డార్లింగ్ అభిమానులు సంబురాలు చేసుకుంటున్నారు. వింటేజ్ ప్రభాస్ అంటూ కామెంట్స్ చేస్తున్నారు. రాజా డీలక్స్ అనే థియేటర్ చుట్టూ తిరిగే తాత-మనవళ్ల కథతో ఈ సినిమా రూపొందనుందని ప్రచారం. తాతగా బాలీవుడ్ యాక్టర్ సంజయ్దత్ నటించనున్నట్లు సమాచారం. ఈ సినిమాలో ప్రభాస్కు జోడీగా మాళవిక మోహన్, నిధి అగర్వాల్, రిద్ధీ కుమార్ నటిస్తున్నారు. థమన్ సంగీతం అందిస్తున్న ఈ చిత్రాన్ని పీపుల్ మీడియా ఫ్యాక్టరీ, యూవీ క్రియేషన్స్ సంయుక్తంగా నిర్మిస్తున్నాయి.