Pongal Movies : సంక్రాంతి సినిమాల రిలీజ్ లెక్క తేలింది..!

సంక్రాంతి అంటనే సినిమాల పండగ. యంగ్ హీరో దగ్గర నుండి సీనియర్ హీరో వరకు అందిరికి సంక్రాంతి పండగ రిలీజ్ అంటే అదొక ధైర్యం. అద్భుతమైన సినిమా తీసి అలరిస్తామని కాదు. సినిమా కొంచం అటు ఇటు అయిన సరే ఎలాగున్నా సరే జనాలు చేసేస్తారు డబ్బులొస్తాయి అని. అందుకే అందరికి సంక్రాంతి కావాలి. వచ్చే ఏడాది సంక్రాంతికి ఎప్పటినుండో తర్జన భర్జనలు జరుగుతున్నాయి. తాము సంక్రాంతికి వస్తున్నాం అంటే మేము వస్తాం అని పోటీగా రిలీజ్ అంటూఉదరగొడుతుంటారు.

Also Read : Siva : కంగువ దర్శకుడు శివ నెక్ట్స్ సినిమా ఆ హీరోతోనే..

ఇక రాబోయే సంక్రాంతికి తీవ్ర పోటీ నెలకొంది. ఇప్పటికే గేమ్ ఛేంజర్, డాకు మహారాజ్, సనాక్రాంతికి వస్తున్నాం, మజాకా రిలీజ్ ఫిక్స్ చేసుకున్నాయి. గత కొద్ది రోజులుగా ఈ సినిమాల విడుదల తేదీలపై కొంత పంచాయతి నడిచింది. నేటితో ఈ సినిమాల విడుదల లెక్క తేలింది. ముందుగా రామ్ చరణ్, శంకర్ కలయికలో వస్తున్న గేమ్ చెంజర్ జనవరి 10న రిలీజ్ కానుంది. ఇక బాబీ, బాలయ్య ల డాకు మహారాజ్ జనవరి 12న, వెంకీ అనిల్ రావిపూడి ‘సంక్రాంతికి వస్తున్నాం’ జనవరి 14న రిలీజ్ కానుంది. ప్రస్తుతానికి అయితే సందీప్ కిషన్, త్రినాధ్ రావ్ ల మజాకా జనవరి 14న అని అంటున్నారు, కానీ ఈ సినిమా సంక్రాంతి నుండి తప్పుకోవాలి అని చూస్తున్నట్టు తెలుస్తోంది. సినిమాల రిలీజ్ డేట్స్ లెక్క తేలడంతో థియేటర్స్ కేటాయింపు పై ఫోకస్ చేయబోతున్నారు డిస్ట్రిబ్యూటర్స్. గేమ్ ఛేంజర్ కు మొదటి రోజు థియేటర్స్ కేటాయించి బాలయ్య సినిమా రిలీజ్ రోజు థియేటర్స్ సమానంగా కేటాయించి టాక్ బాగున్నా సినిమాకు ఎక్కువ స్క్రీన్స్ ఇచ్చేలా ఒప్పందం చేస్తున్నారు.