Nandamuri Vasundhara : తిరుమల స్వర్ణ రథయాత్రలో బాలయ్య సతీమణి

అఖిలాండకోటి బ్రహ్మాండ నాయకుడు, తిరుమల శ్రీ వెంకటేశ్వర స్వామి వారి సాలకట్ల బ్రహ్మోత్సవాలు అత్యంత వైభవంగా జరుగుతున్నాయి. ఈ ఉత్సవాల్లో ఆరవ రోజున నిర్వహించిన ప్రతిష్టాత్మక ‘స్వర్ణ రథయాత్ర’లో నందమూరి కుటుంబం సందడి చేసింది. ప్రముఖ సినీ నటుడు, ఎమ్మెల్యే నందమూరి బాలకృష్ణ సతీమణి శ్రీమతి వసుంధరా దేవి ఈ స్వర్ణ రథోత్సవంలో ప్రత్యేకంగా పాల్గొని స్వామివారి సేవలో తరించారు. అయితే, ఈ పవిత్ర ఆధ్యాత్మిక వేడుకలో చోటుచేసుకున్న ఒక ఆసక్తికర కలయిక ఇప్పుడు అందరి దృష్టిని ఆకర్షించింది. శ్రీవారి స్వర్ణ రథయాత్రలో భక్తిశ్రద్ధలతో పాల్గొన్న శ్రీమతి వసుంధరను.. టీటీడీకి చెందిన శ్రీవెంకటేశ్వర భక్తి ఛానల్ (SVBC) నూతన ఛైర్మన్ బి. శ్రీధర్ వర్మ మర్యాదపూర్వకంగా కలిశారు. ఈ సందర్భంగా ఆయన నేరుగా వసుంధరా దేవి వద్దకు వెళ్లి, ఆమె ఆశీర్వాదాలు తీసుకోవడం విశేషం.