గత కొన్ని సినిమాలుగా ఫాలో అవుతూ వస్తున్న సెంటిమెంట్ ని నాగ వంశీ లక్కీ భాస్కర్ సినిమాకి కూడా ఫాలో అవ్వబోతున్నట్లుగా తెలుస్తోంది. గుంటూరు కారం సినిమా తర్వాత నుంచి మీడియాకి రిలీజ్ రోజు షోస్ వేయడం ఆపేశారు సితార ఎంటర్టైన్మెంట్ సంస్థ వారు. సినిమా కనుక శుక్రవారం రిలీజ్ అయితే శనివారం నాడు ఫ్యామిలీతో కలిసి సాయంత్రం సినిమాకి రండి అంటూ కొత్త ఒరవడికి తెర లేపారు. అయితే లక్కీ భాస్కర్ సినిమా దీపావళి సందర్భంగా అక్టోబర్ 31వ తేదీన రిలీజ్ అవుతుంది. అంటే గురువారం నాడు రిలీజ్ అవుతుంది. కానీ ఒకరోజు ముందుగానే ప్రీమియర్స్ ప్లాన్ చేశారు గురువారం నాడు అమావాస్య రావడంతో ఈ మేరకు నిర్ణయం తీసుకున్నట్లు ప్రచారం జరుగుతోంది.
Amitabh Bachchan: కొడుకు విడాకుల వార్తలు.. 10 ఫ్లాట్లు కొన్న బచ్చన్!
అయితే తన సెంటిమెంట్ ని ఫాలో అవుతూ బుధవారం నాడు మీడియా కి షో వేయడం లేదు నాగ వంశీ. రిలీజ్ రోజు ఉదయమే షో ప్లాన్ చేసినట్లుగా తెలుస్తోంది. ఇక లక్కీ భాస్కర్ సినిమాలో దుల్కర్ సల్మాన్ మీనాక్షి చౌదరి హీరో హీరోయిన్లుగా నటించారు. తెలుగులో పలు విభిన్నమైన చిత్రాలు డైరెక్ట్ చేసిన వెంకీ అట్లూరి ఈ సినిమాని డైరెక్ట్ చేస్తున్నారు. ఇక ఈ సినిమాని సితార ఎంటర్టైన్మెంట్స్ బ్యానర్ తో పాటు ఫార్చునర్ 4 సినిమాస్ బ్యానర్ మీద నాగ వంశీతో పాటు త్రివిక్రమ్ భార్య సాయి సౌజన్య నిర్మిస్తున్నారు. ట్రైలర్ తో ఒక్కసారిగా ప్రేక్షకులందరికీ దృష్టిని ఆకర్షించిన ఈ లక్కీ భాస్కర్ సినిమాని తెలుగు సహా తమిళ, కన్నడ, మలయాళ భాషల్లో రిలీజ్ చేస్తున్నారు.
