Na Telugodu : అఖండ2తో పాటు ‘నా తెలుగోడు’

డ్రీమ్ టీమ్ ప్రొడక్షన్స్ బ్యానర్‌పై, డా. హరనాథ్ పోలిచర్ల రచన, దర్శకత్వం, నిర్మాణంలో రూపొందిన చిత్రం ‘నా తెలుగోడు’. సమాజానికి ఉపయోగపడే సందేశంతో తెరకెక్కిన ఈ సినిమా డిసెంబర్ 12వ తేదీన ప్రేక్షకుల ముందుకు రానుంది. ఈ విడుదల సందర్భంగా చిత్ర బృందం అంగరంగ వైభవంగా ప్రీ రిలీజ్ ఈవెంట్‌ను నిర్వహించింది. హీరోగా, దర్శక నిర్మాతగా హరనాథ్ పోలిచర్ల నటిస్తున్న ఈ చిత్రంలో జరీనా వహాబ్, తనికెళ్ళ భరణి, రఘు బాబు వంటి ప్రముఖులు, అలాగే నైరా పాల్, రోనీ కౌలా, సుఫియా తన్వీర్ వంటి నటీనటులు కీలక పాత్రలు పోషించారు.

ఈ కార్యక్రమంలో పాల్గొన్న సినీ ప్రముఖులు, చిత్ర బృందం ‘నా తెలుగోడు’ గురించి విశేషాలను పంచుకున్నారు. దర్శకుడు శివ నిర్వాణ మాట్లాడుతూ, హరనాథ్ గారికి సినిమాలపై ఉన్న ప్యాషన్‌ను ప్రశంసించారు. డ్రగ్స్ పట్ల ప్రజల్లో అవగాహన పెంచే ఇలాంటి సినిమాలు రావడాన్ని హర్షించారు. మైత్రి నవీన్ (మైత్రి నవీన్) మాట్లాడుతూ, గత 25 ఏళ్ల పరిచయం గురించి చెబుతూ, ఎంతో బిజీగా ఉన్నప్పటికీ, హరనాథ్ ప్యాషన్‌తో సినిమాలు తీస్తున్నారని తెలిపారు. దర్శకుడు మహేష్ బాబు మాట్లాడుతూ, డాక్టర్‌గా ఉన్నప్పటికీ సినిమాల పట్ల హరనాథ్ కి ఉన్న ప్యాషన్ ఎంతో మందికి ఇన్స్పిరేషన్ అని చెప్పారు. చిత్ర హీరో, నిర్మాత, దర్శకుడు హరనాథ్ పోలిచెర్ల మాట్లాడుతూ, సినిమాలకు ముఖ్య కారణం అన్నగారు స్వర్గీయ నందమూరి తారక రామారావు గారేనని, ఆయన పాటలే తనను ప్రేరేపించాయని తెలిపారు. దేశం మీద ప్రేమతో హాస్పిటల్స్‌లో సేవ చేసి, ఆ తర్వాత సినిమాలు మొదలుపెట్టానని చెప్పారు.