8 Vasanthalu: సైలెంటుగా షూట్ కానిస్తున్న మైత్రీ మూవీ మేకర్స్ సినిమా
Mythri Movie Makers 8 Vasanthalu Nearing Completion With Its Shoot: ఇండియా లోని అద్భుతమైన లొకేషన్లలో షూటింగ్ హై-బడ్జెట్ ఎంటర్టైనర్లు నిర్మించడంలో పాపులరైన పాన్ ఇండియా ప్రొడక్షన్ హౌస్ మైత్రీ మూవీ మేకర్స్ మరోపక్క తక్కువ బడ్జెట్ లో కంటెంట్ రిచ్ ఫిల్మ్లను కూడా నిర్మిస్తోంది. అలా మైత్రీ మూవీ మేకర్స్ నిర్మించే లేటెస్ట్ ప్రాజెక్ట్ ‘8 వసంతాలు’, మను ఫేం ఫణీంద్ర నర్సెట్టి దర్శకత్వం వహిస్తున్న కాన్సెప్ట్-బేస్డ్ మూవీ. MAD ఫేమ్ అనంతిక సనీల్కుమార్ ఈ చిత్రంలో లీడ్ రోల్ పోషిస్తోంది. ఇటీవల విడుదలైన ఆమె ఫస్ట్ లుక్ పోస్టర్ సినిమాపై చాలా క్యూరియాసిటీని పెంచగా త్వరలోనే ఈ పాత్రకు సంబంధించిన గ్లింప్స్ వీడియోను మేకర్స్ విడుదల చేయనున్నట్టు వెల్లడించారు.
క్యూట్ అండ్ క్రింజ్ లవ్ స్టోరీ.. ప్రేక్షకుల్ని నవ్విస్తుంది – రమ్య పసుపులేటి ఇంటర్వ్యూ
ప్రస్తుతం 8 వసంతాలు సినిమా చిత్రీకరణ శరవేగంగా జరుగుతోంది. ఊటీ, హైదరాబాద్, కన్యాకుమారి తదితర ప్రాంతాల్లో చిత్రీకరణ జరపగా మూవీ పూర్తి చేయడానికి టీమ్ నెక్స్ట్ షెడ్యూల్ కోసం కాశ్మీర్, ఆగ్రా, వారణాసిలోని విభిన్న ప్రదేశాలకు వెళ్లనుంది. ఈ చిత్రానికి సంబంధించిన ఎడిటింగ్ వర్క్ కూడా మరోపక్క సమాంతరంగా జరుగుతోంది. నవీన్ యెర్నేని, వై రవి శంకర్ నిర్మిస్తున్న ఈ చిత్రానికి విశ్వనాథ్ రెడ్డి సినిమాటోగ్రఫీ, హేషమ్ అబ్దుల్ వహాబ్ సంగీతం అందిస్తున్నారు. అరవింద్ మూలే ప్రొడక్షన్ డిజైనర్, శశాంక్ మాలి ఎడిటర్, బాబాసాయి కుమార్ మామిడిపల్లి ఎగ్జిక్యూటివ్ ప్రొడ్యూసర్. అనంతిక సనీల్కుమార్ తో పాటు హను రెడ్డి, రవితేజ దుగ్గిరాల, సంజన, కన్నా, స్వరాజ్ రెబ్బాప్రగడ, సమీర కిషోర్ తదితరులు కీలక పాత్రల్లో నటిస్తున్నారు.