Vishwambhara : విశ్వంభర రిలీజ్ డేట్ ఫిక్స్.. ఎప్పుడంటే?

ఇప్పటికే ప్రేక్షకుల ముందుకు రావాల్సి ఉన్న మెగాస్టార్ చిరంజీవి ‘విశ్వంభర’ సినిమా VFX వర్క్స్ కారణంగా కొంత డిలే అవుతూ వస్తోంది. ఒక రకంగా చెప్పాలంటే, ‘గేమ్ చేంజర్’ సినిమాతో సమానంగా—అంటే కొంచెం అటు ఇటుగా రిలీజ్ కావాల్సి ఉన్న సినిమా ఇది. VFX వర్క్స్ పర్ఫెక్ట్ అయ్యాకే రిలీజ్ డేట్ ప్రకటిద్దామని ఇప్పటివరకు ఆగుతూ వచ్చారు.

వశిష్ఠ దర్శకత్వంలో సోషల్ ఫాంటసీ మూవీగా రూపొందిన ఈ సినిమా మీద టాలీవుడ్ ట్రేడ్ వర్గాల్లో మంచి ఆసక్తి ఉంది. దానికి తోడు మెగాస్టార్ చిరంజీవి క్రేజ్, ఆయన గతంలో చేసిన ఇలాంటి సినిమాల అనుభవాల నేపథ్యంలో, ఈ సినిమా ఎలా ఉంటుంది అని ఫ్యాన్స్ తో పాటు టాలీవుడ్ ప్రేక్షకులు అందరూ ఆసక్తికరంగా ఎదురుచూస్తున్నారు.

ఇక తాజాగా టాలీవుడ్ వర్గాల నుంచి అందుతున్న సమాచారం మేరకు, ఈ సినిమాని ఈ ఏడాది దసరా సందర్భంగా అక్టోబర్ 16వ తేదీన ప్రేక్షకుల ముందుకు తీసుకువచ్చేందుకు ప్లాన్ చేస్తున్నారు మేకర్స్. ఈ సినిమాని వశిష్ఠ డైరెక్ట్ చేయగా, యూవీ క్రియేషన్స్ బ్యానర్ మీద ప్రభాస్ సన్నిహితులు అత్యంత ప్రతిష్టాత్మకంగా నిర్మించారు. మొత్తానికి చాలా కాలం నుంచి వాయిదా పడుతూ వస్తున్న సినిమా, ఎట్టకేలకు ఈ దసరాకి ప్రేక్షకుల ముందుకు రానున్నదన్న మాట!