Maharaja will premiere on Netflix India tonight at 12 AM: ‘మక్కల్ సెల్వన్’ విజయ్ సేతుపతి నటించిన 50వ చిత్రం ‘మహారాజా’. ఈ సినిమాకు నితిలన్ స్వామినాథన్ దర్శకత్వం వహించగా ప్యాషన్ స్టూడియోస్, ది రూట్ బ్యానర్స్పై సుధన్ సుందరం, జగదీష్ పళనిసామి ప్రతిష్టాత్మకంగా నిర్మించారు. జూన్ 14న థియేటర్లలోకి వచ్చిన ఈ సినిమా బాక్సాఫీస్ వద్ద కలెక్షన్ల వర్షం కురిపించింది. కల్కి మేనియాలో కూడా 100 కోట్లకు పైగా గ్రాస్ వసూళ్లు సాధించింది. రూ.20 కోట్ల బడ్జెట్తో తెరకెక్కిన మహారాజ సినిమా.. తక్కువ సమయంలోనే 100 కోట్ల క్లబ్లో చేరడం గమనార్హం. మహారాజా మూవీ రిలీజై సుమారు నెల అవుతుండగా నెట్ఫ్లిక్స్లో జులై 12 నుంచి అంటే ఈరోజు అర్ధ రాత్రి 12 నుంచి స్ట్రీమింగ్ కానుంది.
Deputy CM Pawan Kalyan: గ్రామీణ రహదారుల నిర్మాణంపై డిప్యూటీ సీఎం పవన్ సమీక్ష.. కీలక ఆదేశాలు
తమిళం, తెలుగు, మలయాళం, కన్నడ మరియు హిందీ భాషల్లో మహారాజా మూవీ నెట్ఫ్లిక్స్లో అందుబాటులోకి రానుంది. ఇక ఈ సినిమా డిజిటల్ హక్కులను నెట్ఫ్లిక్స్ సంస్థ భారీ మొత్తానికి దక్కించుకుంది. ఈ సినిమాలో మహారాజ అనే బార్బర్ పాత్రలో విజయ్ సేతుపతి నటించాడు. మహారాజ సినిమాను ఆసక్తికర కథనంతో క్రైమ్ థ్రిల్లర్గా దర్శకుడు తెరకెక్కించగా సినిమాలోని స్క్రీన్ ప్లే చేసిన మ్యాజిక్ నుంచి మంచి టాక్ తెచ్చుకుంది. ఇక ఈ సినిమాలో బాలీవుడ్ డైరెక్టర్ అనురాగ్ కశ్యప్ కీలక పాత్రలో నటించగా.. మమతా మోహన్ దాస్, నటరాజ్, భారతీరాజా, అభిరామ్ తదితరులు ముఖ్య పాత్రలు చేశారు. ఈ చిత్రంకు అజనీష్ లోక్నాథ్ మ్యూజిక్ అందించాడు. మరి ఇంకెందుకు ఆలస్యం మీరు కూడా చూసేయండి మరి.
