ధనుష్ హీరోగా జాతీయ అవార్డుగ్రహీత శేఖర్ కమ్ముల దర్శకత్వంలో వస్తున్న చిత్రం ‘కుబేర’. నాగార్జున, మరియు రష్మిక మందన్న కీలక పాత్రల్లో నటిస్తున్న ఈ పాన్ఇండియా చిత్రం షూటింగ్ శరవేగంగా జరుగుతోంది. శేఖర్ కమ్ముల అంటే కచ్చితంగా బలమైన కథ, కథనం ఉంటాయి. ధనుష్ కెరీర్ లో తొలిసారి బిచ్చగాడి పాత్రలో నటిస్తున్నాడు. కమ్ముల టేకింగ్ కు ధనుష్ నటన తోడైతే ప్రేక్షకులకు విజువల్ ట్రేట్ అనే చెప్పాలి. అత్యంత భారీ బడ్జెట్ తో తెరెకెక్కనున్న ఈ చిత్రాన్ని ఆసియాన్ సినిమాస్ బ్యానర్ పై ఏషియన్ సునీల్ నిర్మిస్తున్నారు. పాన్ ఇండియా భాషలలో రానున్న ఈ ఏడాదిలో థియేటర్లలో విడుదల చేసేందుకు సన్నాహకాలు చేస్తున్నారు.
ఇప్పటికే ఈ సినిమా నుండి రిలీజ్ అయిన పోస్టర్ లు విశేషంగా ఆకట్టుకున్నాయి. నేడు ఈ సినిమాలోని ఫస్ట్ గ్లిమ్స్ ను రిలీజ్ చేసారు మేకర్స్. డైలాగ్స్ ఏమి లేకుండా కేవలం మ్యూజిక్ తో పాత్రలను పరిచయం చేసాడు దర్శకుడు శేఖర్ కమ్ముల. గ్లిమ్స్ అద్భుతంగా ఉందని చెప్పాలి. బిచ్చగాడి పాత్రలో ధనుష్ కనిపించగా అక్కినేని నాగార్జున బిజినెస్ టైకున్ పాత్రలో మెరిశాడు. రాక్‌స్టార్ దేవి శ్రీ ప్రసాద్ సంగీతం గ్లిమ్స్ కు మరింత బలం చేకూర్చింది. తొలిసారి తన పంథా మార్చుకుని శేఖర్ కమ్ముల చేస్తున్న కుబేర ధనుష్ కు తెలుగులో మరో హిట్ సినిమా వచ్చేలా ఉంది. కేవలం పాటల చిత్రీకరణ మాత్రమే మిగిలి ఉన్న ఈ సినిమా పోస్ట్ ప్రొడక్షన్ దశ ఇప్పటికే జరుగుతోంది. కాగా కుబేర చిత్రం తమిళం, తెలుగు, హిందీ భాషల్లో రిలీజ్ కానుంది.
Also Read : kA : 50 కోట్ల క్లబ్ లో కిరణ్ అబ్బవరం..