కోలీవుడ్‌ స్టార్ సూర్య హీరోగా నటించిన చిత్రం ‘కంగువా’. శివ దర్శకత్వం వహించిన ఈ సినిమా నవంబర్‌ 14న ప్రేక్షకుల ముందుకురానుంది. ఆదివారం ఈ సినిమా ప్రమోషనల్ ఈవెంట్ ను వైజాగ్‌లో నిర్వహించారు. నటులు సూర్య, బాబీ దేవోల్‌, దేవిశ్రీ ప్రసాద్‌ పాల్గొని సందడి చేశారు. ఈ సందర్భంగా టాలీవుడ్ హీరోలపై సూర్య ఆసక్తికర వ్యాఖ్యలు చేసారు.
ఎవరెవరు గురించి ఏమన్నారు అంటే..
మెగాస్టార్ చిరంజీవి : నాకు జాతీయ అవార్డు వచ్చినప్పుడు సోషల్‌ మీడియాలో చాలామంది శుభాకాంక్షలు చెప్పారు. చిరంజీవి ప్రత్యేకంగా ఫోన్‌ చేసి అభినందించారు. చెన్నైలో ఎన్జీవో ప్రారంభించడానికి ఆయనే స్ఫూర్తి.
పవన్‌ కల్యాణ్‌: రీల్‌ లైఫ్‌లోనే కాదు.. రియల్‌ లైఫ్‌లోను ఆయన ఎప్పుడు ఒకేలా ఉంటారు. చాలా మంచి మంచి మనసున్న వ్యక్తి
రామ్‌ చరణ్ : చరణ్ నాకు తమ్ముడితో సమానం. తనతో నాకు చాలా మెమొరీస్‌ ఉన్నాయి. చరణ్ నా సినిమాలు చూసి ఫోన్‌ చేసి అభినందిస్తారు.మెగా ఫ్యామిలీతో నాకు మంచి అనుబంధం ఉంది. కుదిరితో చరణ్ తో కలిసి నటించేందుకు కూడా రెడీ
మహేశ్ బాబు : నేను స్కూల్లో చదువుకునే రోజుల్లో మహేశ్ నాకు జూనియర్‌. మహేశ్ స్క్రీన్‌ ప్రెజెన్స్‌ బాగుంటుంది. ఎమోషన్స్‌ బాగా పలికిస్తాడు
ఎన్టీఆర్‌ : ఎన్టీఆర్‌ తెలుగు మాట్లాడే విధానం చుస్తే ముచ్చటేస్తుంది. డైలాగ్స్ చాలా స్పష్టంగా పలుకుతాడు. ఆ విషయం నన్నెంతో ఆకట్టుకుంటుంది.
అల్లు అర్జున్‌ : నేను ఈరోజు ఈ స్థాయిలో ఉన్నానంటే దానికి ఒక రకంగా అల్లు అరవింద్‌ కారణం. ‘గజిని’ సినిమాను తెలుగులో ఆయన డిస్ట్రిబ్యూట్‌ చేశారు. ఇక అల్లు అర్జున్‌ చాలా హార్డ్ వర్కర్. బన్నీ డ్యాన్స్‌ బాగా చేస్తారు. ‘పుష్ప2’ కోసం నేను కూడా ఎదురుచూస్తున్నాను.
రెబల్ ప్రభాస్‌ : ప్రభాస్‌తో ఒక ఫుల్‌ యాక్షన్ మూవీ చేయాలని ఉంది. ప్రభాస్‌ స్వీట్ డార్లింగ్‌ కటౌట్‌ చూసి కొన్నికొన్ని నమ్మేయ్యాలి.