Kangana Ranaut: మెడలో నల్లపూసలు.. చేతికి గాజులు..కంగనా రనౌత్ సీక్రెట్‌గా పెళ్లి చేసుకుందా..?

బాలీవుడ్ ఫైర్‌బ్రాండ్ కంగనా రనౌత్ ఇటీవల రాజకీయాల్లో.. ఎన్నికల ప్రచారంలో ఫుల్ బిజీగా గడిపారు. ఆ లాంగ్ బ్రేక్ తర్వాత ఆమె మళ్లీ బాలీవుడ్‌లోకి గట్టి కమ్‌బ్యాక్ ఇవ్వడానికి సిద్ధమయ్యారు. అందులో భాగంగానే కంగనా కెరీర్‌లోనే బిగ్గెస్ట్ ఇండస్ట్రీ హిట్ అండ్ ఐకానిక్ చిత్రమైన ‘క్వీన్’ (Queen) సీక్వెల్ ‘క్వీన్ 2’ (Queen 2) షూటింగ్‌ను ఇటీవలే ముంబైలో ప్రారంభించారు. అయితే కంగనా మెడలో నల్లపూసల గొలుసు (మంగళసూత్రం), చేతులకు మట్టిగాజులతో సాంప్రదాయబద్ధంగా కనిపించిన తాజా వీడియో సోషల్ మీడియాను ఊపేస్తోంది. ఈ లుక్ చూసి ఆమె రహస్యంగా పెళ్లి చేసుకుందంటూ నెటిజన్లు రకరకాల ఊహాగానాలు మొదలుపెట్టారు. కానీ

మొదటి భాగంలో చిన్న టౌన్ అమ్మాయిగా అమాయకంగా కనిపించిన ‘రాణి’ (కంగనా).. ఈ సీక్వెల్‌లో ఒక మోడ్రన్ సిటీ గర్ల్‌గా, మరింత స్ట్రాంగ్ అండ్ స్మార్ట్‌గా కనిపించబోతోంది. ‘క్వీన్’ మొదటి భాగంలో పారిస్, ఆమ్‌స్టర్‌డ్యామ్ నగరాల్లో ఒంటరిగా హనీమూన్ ఎంజాయ్ చేసిన రాణి.. ఈ సీక్వెల్‌లో ఒక ప్రత్యేకమైన ప్లాట్ పాయింట్ వల్ల భారతదేశంలోని వివిధ నగరాల్లో పర్యటిస్తూ తనను తాను కొత్తగా ఆవిష్కరించుకోనుంది. కాగా ఈ సినిమాలోని ఒక కీలకమైన సీన్ లేదా ఫ్లాష్‌బ్యాక్ ఎపిసోడ్ కోసమే కంగనా మెడలో మంగళసూత్రం, చేతులకు గాజులు ధరించి సాంప్రదాయ లుక్‌లో కనిపించారు. షూటింగ్ లొకేషన్ నుండి ఆమె కారు ఎక్కుతున్న సమయంలో తీసిన వీడియోను కొందరు సోషల్ మీడియాలో పోస్ట్ చేయడంతో.. అది కాస్తా కంగనా సీక్రెట్ మ్యారేజ్ రూమర్స్‌కు దారితీసింది.