Jr. NTR : వార్ – 2 షూటింగ్ ముగిసింది.. ఫస్ట్ లుక్ ఎప్పుడంటే..?
యంగ్ టైగర్ ఎన్టీయార్ ఈ పేరు ఇప్పుడు టాలీవుడ్ లో ఒక సెన్సేషన్. కథ ఎలా ఉన్న కేవలం తన స్క్రీన్స్ ప్రెజెన్స్ తో సినిమాను నడిపి వందల కోట్ల కలెక్షన్లు రాబట్టగల యాక్టర్ ఎన్టీఆర్. ఈ ఏడాది దేవరతో పలకరించిన యంగ్ టైగర్ కు కాసుల వర్షం కురిపించారు ప్రేక్షకులు. అదే జోష్ లో వరుస సినిమాలకు గ్రీన్ సిగ్నల్ ఇచ్చాడు.
ప్రస్తుతం యంగ్ టైగర్ రెండు సినిమాలలో నటిస్తున్నాడు. అందులో ఒకటి కన్నడ స్టార్ దర్శకుడు ప్రశాంత్ నీల్ సినిమాగా మరోటి బాలీవుడ్ సినిమా వార్ – 2. హృతిక్ రోషన్ తో కలిసి నటిస్తున్న ఈ సినిమా బిగ్గెస్ట్ మల్టీస్టారర్ గా రానుంది. ఏడాదిగా ఈ సినిమా షూటింగ్ జరుగుతూ వస్తుంది. కాగా ఈ సోమవారంతో ఈ సినిమా షూటింగ్ కు గుమ్మడికాయ కొట్టారు యూనిట్. ఇటీవల ఫైనల్ షెడ్యూల్ ను అమెరికాలో మొదలెట్టి భారీ యాక్షన్ సీక్వెన్స్ ను తెరకెక్కించారు. ఈ షెడ్యూల్ తో సినిమా షూట్ ముగిసింది. అయితే ఇప్పుడు ఎన్టీఆర్ ఫ్యాన్స్ తో పాటు సినిమా ఆడియెన్స్ కూడా వార్ -2 ఫస్ట్ లుక్ ఎలా ఉండబోతుందనే ఎదురుచూస్తున్నారు. న్యూ ఇయర్ కానుకగా ఫస్ట్ లుక్ చేసే ఆలోచన చేస్తున్నారట మేకర్స్. ఈ సినిమాతో యంగ్ టైగర్ మరోసారి రూ. 1000 కోట్ల క్లబ్ లో చేరడం ఖాయంగా కనిపిస్తుంది. అలాగే డాన్స్ మూమెంట్స్ తో ఇరగతీసే ఎన్టీఆర్, హృతిక్ రోషన్ లు ఒకే ఫ్రేమ్ లో కనిపించే సాంగ్ సినిమాకే హైలెట్ గా నిలుస్తుందట.