తమిళసూపర్ స్టార్ రజినీకాంత్ శివ దర్శకత్వంలో నటిస్తోన్న చిత్రం ‘అన్నాత్తే’. నయనతార, కీర్తీ సురేష్, ఖుష్బూ, మీనా కీలక పాత్రలు చేస్తున్నారు. కాగా, గతఏడాది చివరలో అన్నాత్తే షూటింగ్ టైంలో యూనిట్ మెంబర్స్ కు పాజిటివ్ రావడం… రజనీకాంత్ అస్వస్థతకు గురవడంతో షూటింగ్ను తాత్కాలికంగా నిలిపివేసిన సంగతి తెలిసిందే. తిరిగి షూటింగ్ ప్రారంభించిన ఈ సినిమా చెన్నై షెడ్యూల్ పూర్తిచేసుకోగా, ప్రస్తుతం హైదరాబాద్ లో చిత్రీకరణ జరుగుతోంది. అయితే కోవిడ్ కేసులు పెరుగుతుండటంతో తెలంగాణ ప్రభుత్వం నైట్ కర్ఫ్యూను విధించిన విషయం తెలిసిందే. దీంతో ఇప్పటికే చాలా సినిమాల షూటింగులు వాయిదా పడగా.. రజినీ అన్నాత్తే చిత్రయూనిట్ మాత్రం రిస్క్ చేస్తుందట.. ఇప్పటికే సినిమా చాలా ఆలస్యం అయిందని చకచకా షూటింగ్ జరుపుకుంటుందని తెలుస్తోంది. కోవిడ్ అన్ని జాగ్రత్తలు తీసుకుంటూ ముందుకు వెళ్తుందట. దీపావళి సందర్భంగా నవంబర్ 4న ఈ సినిమా విడుదల కానుంది.
