క్రికెట్ ప్రేమికులు ఎంతో ఆసక్తిగా ఎదురుచూస్తున్న ఐపీఎల్ 2026 సీజన్ మరికొద్ది రోజుల్లో అట్టహాసంగా ప్రారంభం కానుంది. మార్చి 28న బెంగళూరులోని చిన్నస్వామి స్టేడియంలో డిఫెండింగ్ ఛాంపియన్స్ రాయల్ ఛాలెంజర్స్ బెంగళూరు (RCB) మరియు సన్రైజర్స్ హైదరాబాద్ (SRH) మధ్య జరిగే తొలి మ్యాచ్తో ఈ మెగా టోర్నీకి తెరలేవనుంది. అయితే, అంతకంటే ముందే చెన్నై సూపర్ కింగ్స్ (CSK) అభిమానుల కోసం ఒక భారీ సర్ప్రైజ్ను ప్లాన్ చేసింది. ఐపీఎల్ ప్రారంభానికి ముందు చెన్నై సూపర్ కింగ్స్ యాజమాన్యం మార్చి 22న చెన్నైలోని చిదంబరం స్టేడియంలో ఒక మెగా ఈవెంట్ను నిర్వహించబోతోంది.
Also Read : Bollywood : పదేళ్లుగా బ్లాక్ బస్టర్ చూడని యంగ్ హీరో.. పిలిచి అవకాశాలిస్తున్న బడా సంస్థ
ఈ వేడుకలో ఆస్కార్ విజేత, సంగీత దర్శకుడు ఏఆర్ రెహమాన్ లైవ్ పెర్ఫార్మెన్స్ ఇవ్వబోతుండటం విశేషం. ఈ ఈవెంట్లో రెహమాన్ తన క్లాసిక్ హిట్లతో పాటు, మెగా పవర్ స్టార్ రామ్ చరణ్ నటిస్తున్న తాజా చిత్రం ‘పెద్ది’ లోని పాటలను కూడా పాడబోతున్నట్లు వార్తలు వినిపిస్తున్నాయి. బుచ్చిబాబు దర్శకత్వంలో రామ్ చరణ్ హీరోగా వస్తున్న ‘పెద్ది’ చిత్రానికి ఏఆర్ రెహమాన్ సంగీతం అందిస్తున్న సంగతి తెలిసిందే. ఈ సినిమా ఏప్రిల్ 30న ప్రపంచవ్యాప్తంగా విడుదల కానుండగా.. ఇప్పటికే విడుదలైన పాటలు సెన్సేషన్ క్రియేట్ చేశాయి. చికిరి చికిరి, రై రై రారా సాంగ్స్తో ఐపీఎల్ టీమ్స్ రచ్చ చేస్తున్నాయి. ఇప్పుడు ఇలాంటి భారీ వేదికపై రెహమాన్, పెద్ది చిత్రంలోని పాటలను ఆలపించడం వల్ల.. సినిమాకు దేశవ్యాప్తంగా మరింత క్రేజ్ రావడం గ్యారెంటీ. ఏదేమైనా.. పెద్ది సినిమా పై రోజు రోజుకి అంచనాలు పెరుగుతునే ఉన్నాయి.
