UBS : పవన్‌కు పోలీస్ క్యారెక్టర్ సెంటిమెంట్ వర్కవుటవుతుందా?
- Follow Us :
-
-
Add as a preferred
source on google
పవన్ కళ్యాణ్ పోలీస్ పాత్రలో కనిపించిన కొమురం పులి. ఎస్జే సూర్య తెరకెక్కించిన ఈ సినిమాలో పవన్ కళ్యాణ్ ఒక స్ట్రిక్ట్ పోలీస్ ఆఫీసర్‌గా కనిపించాడు. భారీ అంచనాలతో వచ్చిన ఈ సినిమా బాక్స్ ఆఫీస్ దగ్గర మాత్రం ఆశించిన స్థాయిలో ఆడలేదు. అయితే పవన్ కళ్యాణ్ లుక్, పోలీస్ యాటిట్యూడ్ మాత్రం ఫ్యాన్స్‌కు కొత్తగా అనిపించింది. అదే పోలీస్ గెటప్‌లో కొన్ని సంవత్సరాల తర్వాత వచ్చిన సినిమా గబ్బర్ సింగ్. హరీష్ శంకర్ దర్శకత్వంలో వచ్చిన ఈ సినిమా పవన్ కళ్యాణ్ కెరీర్‌లోనే ఒక బిగెస్ట్ బ్లాక్‌బస్టర్‌గా నిలిచింది. మాస్ డైలాగ్స్, పవన్ స్టైల్, కామెడీ టైమింగ్ ఈ సినిమాను కల్ట్ స్టేటస్‌కు తీసుకెళ్లాయి. అందుకే చాలా మంది ఫ్యాన్స్‌కు పోలీస్ అంటే గబ్బర్ సింగ్ స్టైల్ గుర్తుకొస్తుంది.
Also Read : Bollywood : పదేళ్లుగా బ్లాక్ బస్టర్ చూడని యంగ్ హీరో.. పిలిచి అవకాశాలిస్తున్న బడా సంస్థ
ఆ తర్వాత మరోసారి పవన్ కళ్యాణ్ పోలీస్‌గా కనిపించిన సినిమా భీమ్లా నాయక్. మలయాళ హిట్ “అయ్యప్పనుం కోషియుం” రీమేక్‌గా వచ్చిన ఈ సినిమాలో పవన్ కళ్యాణ్ ఒక పవర్‌ఫుల్, సీరియస్ పోలీస్ ఆఫీసర్‌గా కనిపించాడు. మాస్ యాటిట్యూడ్, ఇంటెన్స్ క్యారెక్టర్‌తో ఈ సినిమా కూడా బాక్స్ ఆఫీస్ దగ్గర సక్సెస్ సాధించింది. ఇప్పుడు పవన్ కళ్యాణ్ మళ్లీ పోలీస్ పాత్రలోనే ఉస్తాద్ భగత్ సింగ్ సినిమాలో కనిపించబోతున్నాడు. ఉగాది స్పెషల్ గా రిలీజ్ అవుతున్న ఈ సినిమాని హరీష్ శంకర్ తెరకెక్కించాడు. వీళ్లది గబ్బర్ సింగ్ తర్వాత వస్తున్న పవర్‌ఫుల్ కాంబినేషన్ కావడంతో ఫ్యాన్స్‌లో భారీ అంచనాలు ఉన్నాయి. అయితే ఇప్పుడు మళ్లీ అదే పోలీస్ క్యారెక్టర్ ఫార్ములా వర్కవుటవుతుందా? లేక గబ్బర్ సింగ్ తరహా సీన్స్ తో మళ్లీ వస్తే మొనాటనీ వస్తుందా? పవన్ పోలీస్ క్యారెక్టర్ మళ్లీ బాక్స్ ఆఫీస్‌ని షేక్ చేస్తుందా? లేదా తెలియాలంటే ఈనెల 19 వరకు వెయిట్ చేయాల్సిందే.