Indian 2 Censor: ఇండియన్ 2 కూడా 3 గంటలు.. సెన్సార్ టాక్ ఏంటంటే?

Indian 2 Censor Talk: శంకర్ దర్శకత్వంలో కొన్ని ఏళ్ల క్రితం వచ్చిన ఇండియన్ సినిమా ఎన్ని రికార్డులు బద్దలు కొట్టిందో ప్రత్యేకంగా చెప్పాల్సిన అవసరం లేదు. కమల్ హాసన్ హీరోగా తెరకెక్కిన ఈ సినిమాలో ద్విపాత్రాభినయం చేశారు. ఇక ఆ సినిమాకి సీక్వెల్ గా ఇండియన్ 2 సినిమా తెరకెక్కుతోంది. చాలా కాలం క్రితమే మొదలైన ఈ సినిమా అనేక అవాంతరాలను ఎదుర్కొని ఇప్పుడు ఈనెల 12వ తేదీన ప్రేక్షకుల ముందుకు వచ్చేందుకు సిద్ధమవుతోంది. ఇక తెలుగు సహా తమిళ, కన్నడ, మలయాళ, హిందీ భాషల్లో ఈ సినిమాని ఏక కాలంలో రిలీజ్ చేయబోతున్నారు. ఇప్పటివరకు పెద్దగా తెలుగులో ప్రమోషనల్ యాక్టివిటీస్ చేయలేదు కానీ ఏడవ తేదీన కమల్ హాసన్ తో ఒక ఈవెంట్ కూడా ప్లాన్ చేశారు.

Samantha: సమంత నిరక్షరాస్యురాలు.. డాక్టర్ సంచలన వ్యాఖ్యలు

ఇదిలా ఉండగా ఈ సినిమాకి సంబంధించిన తమిళ వర్షన్ సెన్సార్ పూర్తయింది. మొత్తం 180 నిమిషాల 4 సెకండ్ల నిడివి ఉన్నట్టుగా సెన్సార్ సర్టిఫికెట్ ద్వారా వెల్లడైంది. ఇక ఈ సినిమాకి సంబంధించి దాదాపుగా 5 మోడిఫికేషన్లు సెన్సార్ టీం సూచించినట్లుగా తెలుస్తోంది. పొగ తాగడం ఆరోగ్యానికి హానికరం అని హెచ్చరించే టైటిల్స్ చాలా చిన్నగా ఉండడంతో వాటిని పెంచాల్సిందిగా సూచించారు. అలాగే బ్రైబ్ మార్కెట్ అనే పదాన్ని మార్చాల్సిందిగా సూచించారు. అలాగే ఒకచోట క్లీవేజ్ షో ఉండగా ఆ విజువల్స్ మార్చాల్సిందిగా సూచించారు. అలాగే కొన్ని బూతు పదాలను మార్చాల్సిందిగా కూడా సూచనలు చేశారు. అలాగే వేరే సినిమాలో ఉన్న కొంత కంటెంట్ వాడుకోవడంతో దానికి సంబంధించిన ఎన్వోసీ సర్టిఫికెట్ సమర్పించాలని ఈ సందర్భంగా సూచించారు.