Highest Paid Actress : టాప్ ప్లేస్ లోకి దీపికా పదుకొనే, టాప్ 10 జాబితా ఇదే !

బాలీవుడ్ నటి దీపికా పదుకొనే, 2024లో అత్యధిక పారితోషికం తీసుకునే నటిగా టాప్ ప్లేస్ లో నిలిచింది. IMDb సహాయంతో ఫోర్బ్స్ చేసిన జాబితాలో కంగనా రనౌత్, అలియా భట్, ప్రియాంక చోప్రా మరియు ఐశ్వర్య రాయ్ బచ్చన్‌లను అధిగమించి జాబితాలో దీపికా పదుకొనే అగ్రస్థానంలో నిలిచింది.

దీపికా పదుకొనే ఒక్కో సినిమాకు రూ. 15 కోట్ల నుండి రూ. 30 కోట్ల వరకు రెమ్యూనరేషన్ తీసుకోగా, ఆమె తర్వాత స్థానంలో కంగనా రనౌత్ ఒక్కో సినిమాకు రూ.15 కోట్ల నుంచి రూ.27 కోట్లు తీసుకుంటుంది. ప్రియాంక చోప్రా జోనాస్ ఒక్కో సినిమాకు 15 కోట్ల నుంచి 25 కోట్ల రూపాయల ఫీజుతో మూడో స్థానంలో నిలిచింది. కత్రినా కైఫ్ ఒక్కో సినిమాకు 15 కోట్ల నుండి 25 కోట్ల వరకు తీసుకొని నాలుగో స్థానంలో నిలవగా, అలియా భట్ 10 నుంచి 20 కోట్ల రెమ్యూనరేషన్ తో ఐదో స్థానంలో ఉంది.

ఆ తరువాతి స్థానాల్లో కరీనా కపూర్ ఖాన్ ఒక సినిమాకి రూ. 8 కోట్ల నుండి రూ. 18 కోట్ల వరకు వసూలు చేయగా, శ్రద్ధా కపూర్ 7 కోట్ల నుంచి రూ. 15 కోట్లు, విద్యాబాలన్ 8 కోట్ల నుండి 14 కోట్లు, అనుష్క శర్మ 8 కోట్ల నుండి రూ. 12 కోట్లు మరియు ఐశ్వర్య రాయ్ బచ్చన్ 10 కోట్ల వరకు వసులు చేస్తారని నివేదిక పేర్కొంది. అయితే టాప్ 10 స్థానాల్లో సౌత్ హీరోయిన్లకు చోటు దక్కకపోవడం గమనార్హం.