War 2 : వార్ 2 నుంచి ఫ్యాన్స్‏కు కిక్కిచ్చే న్యూస్..

‘దేవ‌ర‌’ మూవీతో సాలిడ్ హిట్ అందుకున్న స్టార్ హీరో ఎన్టీఆర్ ప్రస్తుతం బాలీవుడ్ లోకి ఎంట్రీ ఇచ్చి ‘వార్ 2’ సినిమాలో నటిస్తున్న విషయం తెలిసిందే. ‘వార్’ సినిమాకు సీక్వెల్‌గా వ‌స్తున్న ఈ చిత్రంలో హృతికి రోష‌న్ క‌థానాయకుడిగా న‌టిస్తుండ‌గా.. తార‌క్ కీల‌క పాత్రలో నటిస్తున్నాడు.అయ‌న్ ముఖ‌ర్జీ ద‌ర్శక‌త్వం వ‌హిస్తున్న ఈ మూవీ ఆదిత్య చోప్రా నిర్మిస్తుండ‌గా.. ప్రస్తుతం శ‌ర‌వేగంగా షూటింగ్ జ‌రుగుతుంది. ఈ  ఏడాది ఆగస్టులో ఈ సినిమా ప్రేక్షకుల ముందుకు వచ్చే అవకాశం ఉంది.  అయితే తాజాగా ఈ సినిమాకు సంబంధించి ఒక క్రేజీ న్యూస్ సోష‌ల్ మీడియాలో వైర‌ల్ అవుతుంది.

Also Read: 8 Vasanthalu : ‘8 వసంతాలు’ నుండి మోలోడి సాంగ్ రిలీజ్..

ఈ మూవీలో హృతిక్, ఎన్టీఆర్ మధ్య క్రేజీ డ్యాన్స్ సీక్వెన్స్ ఉండ‌బోతుందట. పాట కోసమే ఏకంగా 500 మంది డ్యాన్స్​ర్లను రంగంలోకి దింపిన‌ట్లు వార్తలు వ‌స్తున్నాయి. హృతిక్, ఎన్టీఆర్ మధ్య వ‌చ్చే ఈ డ్యాన్స్‌లో మునుపెన్నడూ చూడని విధంగా ఓ సరికొత్త పాటని ప్లాన్ చేస్తున్నారట చిత్రబృందం. య‌ష్‌రాజ్ స్టూడియోలో ప్రస్తుతం ఈ డ్యాన్స్ షూటింగ్ జ‌రుగుతున్నట్లు స‌మాచారం. అంతే కాదు ప్రీతమ్ మ్యూజిక్ లో రానున్న ఈ సాంగ్‌ని బాస్కో మార్టిస్ కొరియోగ్రాఫర్ చేస్తున్నాడట. ఇందుకోసం ప్రొడక్షన్ డిజైనర్ అమృత మహల్ అద్భుతమైన సెట్ కూడా నిర్మించారని, ప్రీతమ్ చాలా ఫాస్ట్ బీట్తో సాగే పాటను కంపోజ్ చేశారని బాలీవుడ్ టాక్. ఇక ఈ వార్తలో ఎంత వరకు నిజం ఉందో తెలిదు కానీ.. 500 మంది డ్యాన్సర్లతో హృతిక్, ఎన్టీఆర్ డ్యాన్స్ చేస్తుంటే థియేట‌ర్‌లు ఏ రేంజ్‌లో ఊగిపోతాయో ఊహించుకోండి..