Deadpool & Wolverine: కుర్చీ మడతెట్టడమే అంటున్న ‘డెడ్ పుల్ అండ్ వాల్వ‌రిన్’ ట్రైలర్‌

Deadpool & Wolverine Official Telugu Trailer: మార్వెల్ మూవీ యూనీవ‌ర్స్ లో మ‌రో కొత్త సినిమా ఫ్యాన్స్ ను ఆకట్టుకునేందుకు రెడీ అయింది. డెడ్ పూల్ మూవీ ఫ్రాంఛైజ్ నుంచి మూడో సినిమాగా డెడ్ పుల్ అండ్ వాల్వ‌రిన్ ఈ జూలై 26న విడుద‌ల‌వ్వ‌నుంది. ఈ సినిమాలో సూప‌ర్ హీరో డెడ్ పుల్ తో పాటు మిలీనియ‌మ్ సూప‌ర్ హీరో ఎక్స్ మెన్ లో మోస్ట్ ఫెవ‌రేట్ వాల్వ‌రిన్ కూడా సిల్వ‌ర్ స్రీన్ పై ఫైట్లు చేయ‌బోతున్నాడని ఇప్పటికే రిలీజ్ అయిన ప్రమోషనల్ కంటెంట్ ద్వారా క్లారిటీ వచ్చింది. దీంతో ఒకేసారి ఇద్ద‌రు హీరోలు చేయ‌బోయే అద్భుత‌మైన విన్యాసాల‌ను మూవీ ల‌వ‌ర్స్ డెడ్ పుల్ అండ్ వాల్వ‌రిన్ ద్వారా చూసేందుకు సిద్ధం అవుతున్నారు.

Dhanush : రాయన్ సెన్సార్ టాక్..ఎలా ఉందంటే ..?

ఇప్ప‌టికే విడుద‌లైన ఈ సినిమా టీజ‌ర్ అండ్ ట్రైల‌ర్స్ కు వ‌రల్డ్ వైడ్ విప‌రీతంగా క్రేజ్ ఏర్ప‌డగా మార్వెల్ టీమ్ ఈ సినిమాను అన్ని భాష‌ల్లో ఉన్న సినీ అభిమానుల‌ను మ‌రింత అల‌రించే విధంగా తీర్చిదిద్దేందుకు డ‌బ్బింగ్ వెర్ష‌న్స్ ను కూడా సిద్ధం చేస్తున్నారు. తెలుగులో ఈ సినిమా డ‌బ్బింగ్ ఫ్యాన్స్ ను అత్యంత ఆకట్టుకుంద‌నే విష‌యం తెలుగు ట్రైల‌ర్ చూస్తే అర్ధం అయిపోతుంది. ముఖ్యంగా తెలుగులో ఉన్న ట్రెండింగ్ ప‌దాల‌ను, యూత్ మ‌ధ్య విప‌రీతంగా వినిపించే ప‌దాల‌తో ఉన్న డైలాగ్స్ ఈ సినిమాకు హైలెట్ గా నిలవనున్నాయి. తెలుగు సినీ అభిమానులు ఇటీవ‌ల ఇష్ట‌ప‌డిన కుర్చీమ‌డ‌త‌పెట్టి, కెవ్వుకేక‌, రింగ రింగ ఇలా అనేక అన్ లైన్ ట్రెండింగ్ వ‌ర్డ్స్ తో డెడ్ పుల్ అండ్ వాల్వ‌రిన్ తెలుగు వెర్ష‌న్ సిద్ధం అయింది. వాల్వ‌రిన్ గా హుయ్ జాక్ మెన్, డెడ్ పుల్ గా ర‌య‌న్ రెనాల్డ్స్ క‌నిపించ‌బోతున్న ఈ సినిమా ప్ర‌పంచ‌వ్యాప్తంగా జూలై 26న భారీ స్థాయిలో విడుద‌ల అవుతుంది.