Deadpool Wolverine: పిచ్చెక్కించే విజువల్స్ తో ‘డెడ్‌పూల్ & వోల్వారిన్’ ట్రైలర్

మార్వెల్ ప్రేక్ష‌కుల‌కు గుడ్ న్యూస్ వచ్చేసింది. మార్వెల్ సినిమాటిక్ యూనివర్స్ నుంచి మ‌రో సూప‌ర్ హీరో మూవీ రిలీజ్ అయ్యేందుకు సిద్ధం అయింది. ఇప్ప‌టికే మార్వెల్ యూనివర్స్ నుంచి వ‌చ్చిన డెడ్‌పూబ్లా సినిమాలు ఎంత పెద్ద బ్లాక్ బస్టర్ అయ్యాయో ప్రత్యేకంగా చెప్పనక్కర్లేదు ఇప్పుడు తాజాగా ఈ సిరీస్ నుంచి మ‌రో సినిమా వచ్చేందుకు సిద్ధమైంది. మార్వెల్ స్టూడియోస్ నుంచి ‘డెడ్‌పూల్ & వోల్వారిన్’ అనే సినిమా రిలీజ్ కి రెడీ అవుతోంది. ఈ సినిమా జూలై 26న ప్రేక్ష‌కుల ముందుకు రానుంది. ఇటీవల విడుదలైన ఈ సినిమా టీజర్ కు మంచి స్పందన లభించగా తాజాగా సినిమా యూనిట్ ట్రైలర్ ను విడుదల చేసింది. ర్యాన్ రేనాల్డ్స్, హ్యూగ్ జాక్‌మాన్ ప్ర‌ధాన పాత్ర‌ల్లో న‌టిస్తున్న ఈ సినిమాకు షాన్ లెవీ ద‌ర్శ‌క‌త్వం వ‌హిస్తున్నాడు.

Also Read; Rashi Singh: హృదయాలను కొల్లకొడుతున్న రాశి సింగ్..

మార్వెల్ స్టూడియోస్, 21 ల్యాప్స్ ఎంట‌ర్‌టైన‌మెంట్ సంయుక్తంగా నిర్మిస్తున్న ఈ సినిమా ట్రైలర్ పరిశీలిస్తేఫుల్ యాక్ష‌న్ అడ్వెంచర్‌గా ప్రేక్షకుల ముందుకు రాబోతున్నట్టు అర్థం అవుతోంది. డెడ్‌పూల్‌గా ర్యాన్ రేనాల్డ్స్ మ‌రోసారి ఎంట‌ర్‌టైన్ చేయ‌డానికి సిద్ద‌మ‌యిన‌ట్లు అర్థం అవుతోంది. ఇక ఈ సినిమాలో ఎమ్మా కొరిన్, మోరెనా బక్కరిన్, రాబ్ డెలానీ, లెస్లీ ఉగ్గమ్స్, కరణ్ సోని, మాథ్యూ మక్‌ఫాడియన్ త‌దిత‌రులు ముఖ్యపాత్ర‌లు పోషిస్తుండగా జులై 26న డెడ్‌పూల్ & వోల్వారిన్ ప్రపంచవ్యాప్తంగా ఇంగ్లీష్, హిందీ, తెలుగు, తమిళ భాషల్లో విడుదల కానుంది. ఇక ఈ ట్రైలర్ లోని విజువల్స్ అయితే వేరే లెవల్లో పిచ్చెక్కించేలా ఉన్నాయి అనడంలో ఎలాంటి అతిశయోక్తి లేదు. ఇంకెందుకు ఆలస్యం మీరు కూడా చూసేయండి మరి.