Hero Vishal: 717 వైన్ షాపుల మూసివేత.. హీరో విశాల్ భావోద్వేగ పోస్ట్!

తమిళనాడు రాజకీయాల్లో ముఖ్యమంత్రిగా తనదైన ముద్ర వేస్తున్న విజయ్, తాజాగా సామాజిక సంక్షేమం దృష్ట్యా ఒక కీలక నిర్ణయం తీసుకున్నారు. ముఖ్యంగా విద్యార్థులకు, మహిళలకు ఇబ్బందికరంగా మారిన మద్యం దుకాణాలను తొలగించాలని ఆయన ఆదేశించారు. నటుడు విశాల్ తన ఎక్స్ (ట్విట్టర్) ఖాతాలో స్పందిస్తూ.. ‘మీకు నా హ్యాట్సాఫ్ సీఎం విజయ్ గారు. పాఠశాలల సమీపంలో ఉన్న 717 వైన్ షాపులను మూసివేస్తున్నట్లు మీరు తీసుకున్న నిర్ణయం అద్భుతం. దీనివల్ల ఎంతోమంది ఆడపిల్లలకు వేధింపుల నుండి విముక్తి కలుగుతుంది. ముఖ్యంగా ఆర్కే నగర్ వంటి ప్రాంతాల్లో పాఠశాలకు వెళ్లే చిన్న పిల్లలు ఎదుర్కొంటున్న ఇబ్బందులను నేను స్వయంగా చూశాను. ఈ మార్పు ఎంతో అవసరం’ అంటూ పేర్కొన్నారు. ఈ నిర్ణయం పట్ల సామాన్య ప్రజల నుండి కూడా భారీ మద్దతు లభిస్తోంది.

నటుడిగా ‘జన నాయగన్’ వంటి చిత్రాలతో వెండితెరపై మెప్పించిన విజయ్, ఇప్పుడు ముఖ్యమంత్రిగా ప్రజల సమస్యలపై ఫోకస్ పెట్టడం గమనార్హం. పాఠశాలలు, ఆలయాల సమీపంలో ఉన్న మద్యం దుకాణాల వల్ల స్థానికులు ఎదుర్కొంటున్న సమస్యలకు ఈ నిర్ణయంతో చెక్ పడనుంది. విశాల్ వంటి స్టార్ హీరోలు బహిరంగంగా మద్దతు తెలపడంతో విజయ్ తీసుకున్న ఈ ‘మాస్’ నిర్ణయం ఇప్పుడు నేషనల్ లెవల్లో చర్చనీయాంశంగా మారింది.

 

Kudos to you ,whistles to u. Hats off to u. Dear CM josephvijay avargal. Thank u for the announcement to close 717 wine shops especially the ones near schools. Wat a move. So many girl children hav been facing harassment especially the one I know in rk nagar where a girl… pic.twitter.com/vYria0MIaB

— Vishal (@VishalKOfficial) May 12, 2026