చిరంజీవి ఇప్పటివరకు తన సినిమాల గురించి మాత్రమే లీక్స్ ఇచ్చారు. ‘మా ఇంటి బంగారం’ రిలీజ్ తర్వాత టీం చిరంజీవిని కలిసింది. సమంత ఇంతవరకు సీక్రెట్ గా ఉంచుకున్న మేటర్ ని ఇండైరెక్ట్ గా బయట పెట్టేసారు చిరంజీవి. దీంతో గాసిప్సే నిజమని మెగాస్టార్ తేల్చేశారా? వాట్ ది స్టోరీ! చిరంజీవికి మైక్ ఇస్తే ఏం మాట్లాడుతారన్న భయంతో మేకర్స్ ఇబ్బంది పడుతున్నారు. చెప్పకూడనిది చెప్పేయడం మెగాస్టార్ కి అలవాటైపోయింది. ‘వాల్తేరు వీరయ్య’ తర్వాత బాబీ దర్శకత్వంలో నటిస్తున్న సినిమా టైటిల్ ఏంటో చిరు చెప్పేయాలనుకుంటే డైరెక్టర్ అడ్డుపడ్డాడు. ఇప్పుడు ఈ లీక్స్ మెగాస్టార్ పరిధిని దాటేసాయి, ఎవరైనా సీక్రెట్ గా ఉంచితే ఆ విషయాన్ని కూడా ఇండైరెక్ట్ గా లీక్ ఇచ్చేస్తున్నాడు.
సక్సెస్ సెలబ్రేషన్స్ లో సమంత బేబీ బంప్ తో కనిపించడంతో ప్రెగ్నెంట్ వార్త వైరల్ అయింది. ‘మా ఇంటి బంగారం’ టీమ్ ను ఇంటికి పిలిపించుకొని అభినందించాడు చిరంజీవి, ఈ సందర్భంగా ఆయన పెట్టిన పోస్ట్ తో సమంత ప్రెగ్నెంట్ అని తేల్చేశాడు. “జీవితంలో కొత్త అధ్యాయాన్ని ఆహ్వానిస్తున్న సమంత అండ్ రాజు దంపతులకు ప్రత్యేక శుభాకాంక్షలు” అంటూ చిరు పోస్ట్ పెట్టాడు. కొత్త అధ్యాయం అంటూ ప్రెగ్నెన్సీ గురించి ఇండైరెక్ట్ గా చెప్పాడు చిరు. చిరంజీవి కావాలనే ప్రమోషన్ కోసం లీక్ చేస్తాడా లేదంటే ఫ్లోలో చెప్పేస్తారో కానీ, చిరు లీక్స్ కు మెగాస్టార్ ఫేమస్ అయిపోయాడు.
158 వ సినిమా టైటిల్ ఏమిటో చిరు చెప్పకుండా బాబీ అడ్డుపడినా, ‘కాకా’ అన్న టైటిల్ దాదాపుగా ఫైనల్ అయిందని టాక్. సపరేట్ గా ఓ ఈవెంట్ పెట్టి టైటిల్ రివీల్ చేయనున్నారు. ఇందులో చిరంజీవి కూతురుగా అనస్వర రాజన్ నటిస్తోంది. తమన్ మ్యూజిక్ ఇస్తున్న ఈ క్రేజీ మూవీ, తండ్రి కూతురు సెంటిమెంట్ తో రాబోతుంది.