Unstoppable Season 4: అమరావతిలో తోడు ఎవరూ లేరు.. మేం కూర్చుని మాట్లాడుకుంటే అదే పండుగ!

నందమూరి బాలకృష్ణ హోస్టుగా వ్యవహరిస్తున్న టాక్‌ షో ‘అన్‌స్టాపబుల్‌’ నాలుగో సీజన్‌ తొలి ఎపిసోడ్‌కు ఆంధ్రప్రదేశ్‌ ముఖ్యమంత్రి చంద్రబాబు నాయుడు ముఖ్య అతిథిగా హాజరైన సంగతి తెలిసిందే. ఆ ఎపిసోడ్ ‘ఆహా’ ఓటీటీలో శుక్రవారం రాత్రి నుంచి స్ట్రీమింగ్‌ అవుతోంది. ముందుగా సీఎంను సాదరంగా ఆహ్వానించిన బాలకృష్ణ.. ‘‘ద్వాపరయుగంలో బావమరిది భవద్గీత చెబితే.. బావ విన్నాడు. ఇక్కడ బావ చెబితే.. బావమరిది వింటున్నాడు’’ అంటూ నవ్వులు పూయించారు. తనకు అది ‘గీత’తో సమానమంటూ ‘అన్‌స్టాపబుల్‌’ పుస్తకంపై చంద్రబాబుతో సరదాగా ప్రమాణం చేయించారు. ఇక ఆ తర్వాత కొన్ని ఫోటోలను చూపించి రెండిట్లో ఏ ఆప్షన్స్ సెలెక్ట్ చేసుకోవాలో మీరే చెప్పాలంటూ చంద్రబాబుని ఇరకాటంలో పెట్టే ప్రయత్నం చేశాడు. అందులో భాగంగా ముందుగా కాఫీ ఆ టీ ఆ అని అడిగితే ఉదయాన్నే ఒక కాఫీ తీసుకుంటానని ఈ సందర్భంగా చంద్రబాబు చెప్పుకొచ్చారు.

Double Ismart: టీవీలోకి డబుల్ ఇస్మార్ట్.. ఎప్పుడు? ఎక్కడ చూడాలంటే?

హైదరాబాదులో ఉంటే భువనేశ్వరితో కలిసి కాఫీ తాగుతానని ఆయన అన్నారు. అదే అమరావతిలో ఉంటే తోడు ఎవరూ లేరు కాబట్టి ఆ డైనింగ్ టేబుల్ తనకు తోడని చెప్పుకొచ్చారు. మా చెల్లెలు మీతో కలిసి కాఫీ తాగి పుష్కరం దాటింది అని చెప్పింది అంటే నిజానికి మా ఇద్దరికి ఏమాత్రం సమయం దొరికినా కూర్చుని మాట్లాడుకుంటాం, మేమిద్దరం కలిసి మాట్లాడుకోవడమే మాకు పెద్ద పండుగలా ఉంటుంది అంటూ ఆయన కామెంట్ చేశారు. ఆ తర్వాత భువనేశ్వరి, బ్రాహ్మణి ఫోటోలు ప్లే చేసి ఇద్దరిలో ఎవరు బాస్ అని అడిగితే నాకు భువనేశ్వరి బాస్ మా అబ్బాయికి బ్రాహ్మణి బాస్ అని చెప్పుకొచ్చారు. మేము తట్టుకోలేకే మీ ఇంటికి పంపించేసామని బాలకృష్ణ అంటే వాళ్ళిద్దరూ చాలా డెడికేటెడ్ అని చంద్రబాబు ప్రశంసల వర్షం కురిపించారు. ఇద్దరూ చాలా క్రమశిక్షణతో ఉంటారని ఆయన అన్నారు.