’30 రోజుల్లో ప్రేమించడం ఎలా’ సినిమాతో మంచి విజయాన్ని అందుకున్న దర్శకుడు ఫణి ప్రదీప్ ధూళిపూడి నుంచి వస్తున్న మరో వినోదాత్మక చిత్రం ‘బ్యాడ్ గాళ్స్’. దీనికి ట్యాగ్ లైన్ ‘కానీ చాలా మంచోళ్లు’. ఈ చిత్రం క్రిస్మస్ పండుగ కానుకగా డిసెంబర్ 25న ప్రపంచవ్యాప్తంగా విడుదల కానుంది. ప్రశ్విత ఎంటర్టైన్మెంట్, నీలి నీలి ఆకాశం క్రియేషన్స్, ఎన్వీఎల్ క్రియేషన్స్ సంయుక్తంగా ఈ చిత్రాన్ని నిర్మించాయి. శశిధర్ నల్ల, ఇమ్మడి సోమ నర్సయ్య, రామిశెట్టి రాంబాబు, రావుల రమేష్ నిర్మాతలుగా అంచల్ గౌడ, పాయల్ చెంగప్ప, రోషిణి, యష్ణ, రోహన్ సూర్య, మొయిన్ ముఖ్య పాత్రల్లో నటించారు.
ఈ సందర్భంగా చిత్ర దర్శకుడు ఫణి ప్రదీప్ ధూళిపూడి మాట్లాడుతూ, “మా ‘బ్యాడ్ గాళ్స్’ చిత్రం పూర్తి ఎంటర్టైనర్*. ‘జాతి రత్నాలు’, ‘మ్యాడ్’ లాంటి హిలేరియస్ చిత్రాలు అమ్మాయిలు చేస్తే ఎలా ఉంటుందో, అటువంటి కథాంశంతో ఈ సినిమా ఉంటుంది. సినిమా చాలా బాగా వచ్చింది, అందరికీ నచ్చుతుందని ఆశిస్తున్నాము” అని తెలిపారు. టీవల విడుదలైన పాటలకు ప్రేక్షకుల నుంచి మంచి ఆదరణ లభించింది. ముఖ్యంగా… ‘ఇలా చూసుకుంటానే’** పాట యూట్యూబ్లో 6 మిలియన్ వ్యూస్తో దూసుకుపోతోంది.’బ్యాడ్ గాళ్స్’ టైటిల్ సాంగ్కు కూడా మంచి స్పందన లభిస్తోంది అని అన్నారు. మిగతా పాటలు, టీజర్, ట్రైలర్లను త్వరలోనే విడుదల చేయనున్నట్లు చిత్ర యూనిట్ ప్రకటించింది.
