Marvel: అవెంజర్స్ మళ్లీ వస్తున్నారు..ఐరన్ మ్యాన్ రెడీ ఫర్ వార్

హాలీవుడ్‌ సూపర్‌ డూపర్‌హిట్‌ సూపర్‌ హీరో ఫ్రాంచైజీ ‘అవెంజర్స్‌’. హాలీవుడ్ లోనే కాదు ఇండియాలోను అవెంజర్స్ కు బీభత్సమైన ఫ్యాన్స్ ఉన్నారు. ఇండియాన్ సినిమా మార్కెట్ లో అవెంజర్స్ సినిమాలు సూపర్ కలెక్షన్స్ రాబట్టాయి. స్ట్రయిట్ ఇండియన్ సినిమాలతో పోటీగా వసూళ్లు రాబట్టాయి అంటే ఇండియాలో అవెంజర్స్ కు ఉన్న క్రేజ్ ఏపాటిదో అర్ధం చేసుకోవచ్చు. ముఖ్యంగా చిన్న పిల్లలు, యూత్ లో అవెంజర్స్ కు అదిరిపోయే ఫ్యాన్స్ ఉంటారు.

ఈ ఫ్రాంచైజీ నుంచి చివరి చిత్రం ‘అవెంజర్స్ ఎండ్ గేమ్’. సూపర్ హీరోస్ అందరూ ‘థానోస్’ ను మట్టుబెట్టే క్రమంలో కనుమరుగు అయిపోయి ఇక అవెంజర్స్ కథ ముగిసింది అనే అర్ధం వచ్చేలా చూపించారు. దీంతో మర్వెల్ ఫ్యాన్స్ కాస్త నిరుత్సహానికి గురయ్యారు. కాగా మర్వెల్ ఫ్యాన్స్ మళ్లీ అసెంబుల్ అయ్యే అప్డేట్ ఇచ్చింది నిర్మాణ సంస్థ. అవెంజర్స్ కు కొనసాయిగింపుగా ‘అవెంజర్స్ డూమ్స్ డే’ ‘అవెంజర్స్‌: సీక్రెట్‌వార్స్‌’ అనే రెండు చిత్రాలను తీసుకు రానుంది. ఈ రెండిటీలో మొదటగా ‘అవెంజర్స్ డూమ్స్ డే’ ను మే 2026లో విడుదల చేస్తామని తెలియజేసారు. ఈ చిత్రంలో అవెంజర్స్ సినిమాటిక్ యూనివర్స్ లో ఐరన్ మ్యాన్ గా నటించిన రాబర్ట్ డౌనీ జూనియర్ ‘డాక్టర్ డూమ్’ పాత్రలో కనిపించనున్నాడు. ఇక రెండవ భాగం ‘అవెంజర్స్ సీక్రెట్ వార్స్’ ను మే 2027 లో రిలీజ్ చేయబోతున్నట్టు ప్రకటించింది మర్వెల్ స్టూడియోస్. ఈ రెండు చిత్రాలకు రూసో బ్రదర్స్ దర్శకత్వం వహించనున్నట్టు ప్రకటించింది. తమిళస్టార్ హీరో ధనుష్ ముఖ్య పాత్రలో వచ్చిన “దిగ్రే మ్యాన్” కు దర్శకత్వం వహించారు రూసో బ్రదర్స్. అవెంజర్స్ సిక్వెల్స్ తో ఫ్యాన్స్ ఫుల్ ఖుషీగా ఉన్నారు.

Also Read: Nani: సరిపోదా శనివారం పోస్టర్స్ డే కాన్సెప్ట్ అదిరింది..మీరు ఓ లుక్కేయండి..