టాలెంటెడ్ డైరెక్టర్ అమ్మ రాజశేఖర్ దర్శకత్వంలో చాలా గ్యాప్ తర్వాత రూపుదిద్దుకుంటున్న ‘తల’ సినిమా అనౌన్స్ చేసినప్పటి నుంచి అంచనాలు ఉన్నాయి. ఈ సినిమాతో అమ్మ రాజశేఖర్ వారసుడు అమ్మ రాగిన్ రాజ్ హీరోగా పరిచయం అవుతున్నారు. ఫిబ్రవరి 14న తెలుగు, తమిళ భాషల్లో గ్రాండ్ థియేట్రికల్ రిలీజ్‌కు రానున్న ఈ చిత్ర థియేట్రికల్ ట్రైలర్‌ను మంగళవారం హైదరాబాద్‌లో జరిగిన కార్యక్రమంలో మేకర్స్ విడుదల చేశారు. ఇక ఈ ట్రైలర్ పరిశీలిస్తే అమ్మ రాజశేఖర్‌‌కు కమ్ బ్యాక్ ఫిల్మ్‌గా నిలుస్తుందనేలా ఉంది. దీప ఆర్ట్స్ పతాకంపై పి. శ్రీనివాస్ గౌడ్ నిర్మిస్తున్న ఈ చిత్రానికి రాధ రాజశేఖర్ ఎగ్జిక్యూటీవ్ నిర్మాతగా వ్యవహరిస్తున్నారు. మ్యూజిక్ సెన్సేషన్ థమన్ కూడా ఈ సినిమాకి పని చేశారు.
Allari Naresh: రీమేకులపై కన్నేసిన అల్లరి నరేష్?
ఇక ట్రైలర్ లో ‘అమ్మాయి కోసం చచ్చిపోయే కుర్రాళ్లను చూశాను, అమ్మ కోసం చనిపోయే కుర్రాడిని మొదటిసారి చూస్తున్నాను’, ‘అందరికీ అమ్మ అంటే ఇష్టం. నాన్న అంటే ఇష్టం. తమ్ముడు, చెల్లి, అన్న… అందరూ ఇష్టం. కానీ, నాకు ఎవరూ లేరు. అన్నీ అమ్మే. అందుకే నాకు అమ్మ అంటే ఇష్టం కాదు, పిచ్చి’ అంటూ డైలాగ్స్ హీరో క్యారెక్టర్ ని రివీల్ చేస్తున్నాయి. ఈ లెక్కన అమ్మ అంటే పిచ్చి ఉన్న ఒక కుర్రాడు ఎవరెవరితో ఎటువంటి యుద్ధం చేశాడు? అనేది ‘తల’ సినిమా మెయిన్ పాయింట్ అని తెలుస్తోంది. దానికి తోడు ప్రమోషన్స్ కి కోడిని తీసుకురావడంతో దాని కథ ఏమిటి అనే ఆలోచనలు కూడా రేకెత్తించారు మేకర్స్. మదర్ సెంటిమెంట్, లవ్ వంటి ఎమోషన్స్‌తో పాటు విలన్ క్యారెక్టర్స్ అండ్ ఫైట్స్ కొత్తగా డిజైన్ చేసినట్టు అనిపిస్తోంది. ఇక నల్లగా ఉన్న ఒక విలన్ బ్యాచ్, జాతర సీక్వెన్స్ సినిమా మీద క్యూరియాసిటీ పెంచేలా అనిపించాయి.
