Amaran : రజనీకాంత్, విజయ్ ను వెనక్కినెట్టిన ‘శివకార్తికేయన్’

శివ కార్తికేయన్ నటించిన చిత్రం అమరన్ రెకార్డుల మీద రికార్డులు క్రియేట్ చేస్తోంది. ఇప్పటికే ఈ ఏడాది రిలీజ్ అయిన తమిళ్ చిత్రాలలో హయ్యెస్ట్ గ్రాస్ కలెక్ట్ చేసిన సినిమాలలో అమరన్ ఒకటిగా నిలిచింది. రాజ్ కుమార్ పెరియసామి దర్శకతంలో వహించిన ఈ సినిమా ఇండియన్ ఆర్మీ మేజర్ ముకుంద్ వరదరాజన్ బయోపిక్ గా తెరక్కెక్కింది. శివకార్తికేయన్, సాయి పల్లవి జంటగా వచ్చిన ఈ సినిమా శివకార్తీకేయన్ కెరీర్ లోనే  బెస్ట్ సినిమాగా నిలిచింది.

Also Read : Allu Arjun : ‘చిక్కు బాబాయ్‌’కి చిన్నప్పటి నుంచే ఫ్యాన్

గత నెల దీపావళి కనుకగా రిలీజ్ అయిన అమరన్ సూపర్ హిట్ టాక్ తో దూసుకెళుతోంది. కాగా ఈ సినిమా  తమిళ సూపర్ స్టార్ సూపర్ స్టార్ రజనీకాంత్ లేటెస్ట్ రిలీజ్ వేట్టయాన్ సినిమాను వెనకు నెట్టింది. రజనీ సినిమా వరల్డ్ వైడ్ గా రూ. 180 కోట్ల గ్రాస్ కలెక్ట్ చేయగా అమరన్ ఆ కలెక్షన్స్ ను కేవలం పదిహేను రోజుల్లో  క్రాస్ చేసింది. ఇక ఇప్పుడు లేటెస్ట్ గా మరొక తమిళ హీరో విజయ్ సినిమాను సైతం అమరన్ అధిగమించింది. ఈ సారి బుకింగ్స్ లో ఈ ఫీట్ సాధించింది. విజయ్ నటించిన తాజా చిత్రం G.O.A.T బుక్ మై షో లో బుకింగ్స్ పరంగా 4.5 మిలియన్ టికెట్స్ సేల్స్ తో టాప్ 1 నిలవగా, అమరన్ ఇప్పటి వరకు 4.52 మిలియన్ టికెట్స్ బుకింగ్స్ తో గోట్ రికార్డును బద్దలు కొట్టి తమిళనాడు 2024 హయ్యెస్ట్ బుకింగ్స్ సాధించిన సినిమాగా సెన్సేషన్ క్రియేట్ చేస్తూ 25 రోజుల థియేటర్ రన్ కంప్లిట్ చేసుకుంది అమరన్.