మొట్టమొదటి తెలుగు ఓటీటీగా ముందు నుంచి ఎక్కువ తెలుగు కంటెంట్ అందిస్తూ వస్తున్న ఆహా ఇప్పుడు ఒక కొత్త మైథాలజీ సిరీస్‌ని ప్రేక్షకుల ముందుకు తెస్తున్నట్టు ప్రకటించింది. ఈ సిరీస్, డిసెంబర్ 2024లో ప్రేక్షకుల ముందుకు రానుంది. ఈ వెబ్ సిరీస్‌కు సంబంధించిన పోస్టర్ ఇటీవల అధికారికంగా విడుదలైంది. ఈ పోస్టర్‌లో ఒక శక్తివంతమైన ఎద్దు శివనామాలతో కనిపిస్తుంది.
Garudan : బెల్లంకొండ శ్రీనివాస్ సినిమా టైటిల్ ఇదే..
అదే సమయంలో రోడ్ మీద ఒక యువకుడు దానికి ఎదురుగా నిలబడి కనిపిస్తున్నాడు. ఆహా ఒరిజినల్ వెబ్ సిరీస్‌గా రాబోతున్న ఈ సిరీస్ కి జబర్దస్త్ కమెడియన్ అభినయ్ అలియాస్ అదిరే అభి డైరెక్టర్ గా వ్యవహరిస్తున్నారు. ఎ రాహుల్ యాదవ్ మరియు సుహాసిని రాహుల్ నిర్మిస్తున్న ఈ సిరీస్ కి అచ్చు రాజమణి సంగీతం అందిస్తున్నారు. దీనికి సంబంధించిన పూర్తి వివరాలను త్వరలోనే వెల్లడిస్తామని మేకర్స్ క్లారిటీ ఇచ్చారు.
