Actress Subbalakshmi: సీనియర్ నటి సుబ్బలక్ష్మి చివరి క్షణాలు.. వీడియో షేర్ చేసిన మనవరాలు
- Follow Us :
-
-
Add as a preferred
source on google
సీనియర్ నటి సుబ్బలక్ష్మి రెండు రోజుల క్రితం మఈతిచ చెందిన సంగతి తెలిసిందే. మాలయాళంతో పాటు తెలుగు, తమిళ, హిందీ సినిమాల్లో నటించిన ఆమె వృద్ధాప్య సమస్యలతో ఆస్పత్రిలో చేరారు. చికిత్స పొందుతూ నవంబర్ 30న కన్నుమూశారు. దీంతో ఆమె జ్ఞాపకాలను గుర్తు చేసుకుంటూ సుబ్బలక్ష్మి మనవరాలు సౌభాగ్య ఓ వీడియో షేర్ చేసింది. ఇందులో సుబ్బలక్ష్మి చివరి క్షణాలు చూసి ఆమె ఫ్యాన్స్ ఎమోషనల్ అవుతున్నారు.
Also Read: Bigg Boss Telugu 7: ఈ వారం బిగ్ బాస్ నుంచి ఊహించని ఎలిమినేషన్.. ఎవరు వచ్చేస్తున్నారంటే?
ఈ వీడియోలో ఎనిమిది నెలల క్రితం సుబ్బలక్ష్మి తన మునిమనవరాలితో సరదాగా ఆడుకుంటున్న ఆనంద క్షణాల నుంచి చివరి రోజుల్లో బెడ్‌కే పరిమితమైన ఆమెను చూపించింది. పలు సందర్భాల్లో మునిమనవరాలితో సుబ్బలక్ష్మి ఆడుకుంటున్న వీడియోలన్నింటిని.. ఎనిమిది నెలల క్రితం అమ్మమ్మ.. రెండు నెలల క్రితం.. 15 రోజుల క్రితం అంటూ ఆమె మనవరాలు సౌభాగ్య వీడియో షేర్ చేసింది. దీంతో మునిమనవరాలు సుబ్బలక్ష్మి తనతో గడిపిన క్షణాలను, ఆటలను మరవలే ఆమెను గుర్తు చేసుకున్న వీడియో చివరిలో చూపించింది.
Also Read: Election Counting: రేపే ఓట్ల లెక్కింపు.. సర్వం సిద్ధం చేసిన అధికారులు
‘ఇప్పటికే తను ఈ ఆటను మరవలేకపోతుంది. కానీ తనతో కలిసి ఆడుకునేందుకు ఇప్పుడు అమ్మమ్మ లేదు’ అంటూ సౌభాగ్య భావోద్వేగానికి లోనైంది. సుబ్బలక్ష్మి చివరి రోజుల ఈ వీడియో షేర్ చేసినందుకు ఆమె ఫ్యాన్స్ అంతా సౌభాగ్యకు ధన్యవాదాలు తెలుపుతున్నారు. కాగా సుబ్బలక్ష్మి.. తెలుగు, తమిళ, మలయాళంతో పాటు బాలీవుడ్‌లో దాదాపు 75 సినిమాల్లో నటించారు. అన్ని భాషల్లో అమ్మమ్మ పాత్రలు పోషించి ఆకట్టుకున్నారు. తెలుగులో కల్యాణ రాముడు, ఏ మాయ చేశావే వంటి చిత్రాల్లో నటించిన ఆమె చివరిగా ద‌ళ‌ప‌తి విజ‌య్ ‘బీస్ట్’ సినిమాలో క‌నిపించారు. సుబ్బలక్ష్మి డబ్బింగ్ ఆర్టిస్టుగా కూడా గుర్తింపు పొందారు.