Actor Baiju: తాగి ఆక్సిడెంట్ చేసిన నటుడు.. ఆ వీడియో షేర్ చేస్తూ క్షమాపణలు

Actor Baiju Shares Video: మద్యం మత్తులో అతివేగంగా కారు నడిపి ప్రమాదానికి కారణమైనందుకు సినీ నటుడు బైజు క్షమాపణలు చెప్పారు. సోషల్ మీడియాలో వీడియో సందేశం ద్వారా బైజు ప్రజలకు క్షమాపణలు చెప్పారు. ఫుటేజీని క్యాప్చర్ చేసేందుకు ప్రయత్నించిన మీడియాపై ఆగ్రహం వ్యక్తం చేసినందుకు కూడా బైజు విచారం వ్యక్తం చేశారు. వాళ్లు మీడియా అని తనకు తెలియదని, టైరు పంక్చర్ కావడం వల్లే ప్రమాదం జరిగిందని బైజు వివరించారు. ఆదివారం అర్ధరాత్రి బైజు వాహనం తిరువనంతపురం వెల్లయంబలం జంక్షన్ వద్ద స్కూటర్ ప్రయాణికుడిని ఢీకొట్టింది. ఆసుపత్రికి తీసుకెళ్లిన తర్వాత, వైద్య పరీక్షల కోసం రక్త నమూనాలను ఇవ్వడానికి బైజూ నిరాకరించాడు. అప్పుడు వైద్యుడు తనకు మద్యం వాసన వస్తోందని, పరీక్షలకు సిద్ధంగా లేడని పోలీసులకు మెడికల్ రిపోర్టు రాశాడు. మద్యం సేవించి వాహనం నడిపినందుకు బైజుపై మ్యూజియం పోలీసులు కేసు నమోదు చేశారు. అతివేగం, మద్యం తాగి వాహనం నడిపినందుకు బైజుపై కేసు నమోదు చేశారు.

Bigg Boss: బిగ్ బాస్ ఇంట్లోకి వరద.. కంటెస్టెంట్స్ ని ఏం చేస్తారు?

అరెస్టును నమోదు చేసిన తర్వాత, బైజు మధ్యాహ్నం 1 గంటలకు స్టేషన్‌కు బెయిల్‌పై విడుదలయ్యాడు. ఇక ఆదివారం నా ప్రమాదానికి సంబంధించి కొన్ని అపార్థాలు ఉన్నాయని ఆయన వీడియోలో పేర్కొన్నారు. అసలు ఏం జరిగిందో తెలుసుకోవడం మీ బాధ్యత అంటూ అసలు ఏం జరిగిందో చెప్పడం మొదలు పెట్టాడు. ఆదివారం కవడియార్ వైపు నుంచి వెల్లయంబలం వెళ్తున్న సమయంలో కారు టైరు పంక్చర్ కావడంతో అదుపు తప్పి స్కూటరిస్టును ఢీకొట్టా, తరువాత నేనే ఆ యువకుడిని లేపా. ఆసుపత్రికి వెళ్లాలా అని అడిగా, ఎలాంటి సమస్య లేదు అన్నాడు. తనకు ఎలాంటి ఇబ్బంది లేదని చెప్పాడు. స్వయంగా పోలీసులకు సమాచారం అందించాడు. పోలీసులెవరూ నాకు సహాయం చేయలేదు, వాళ్లు లీగల్ కేసు పెట్టారు. తప్పు చేశానంటూ కేసు పెట్టారు. నేను మద్యం మత్తులో ఉన్నాను అంటూ సోషల్ మీడియాలో ప్రచారం జరుగుతోంది అది నిజం కాదని అంటూ ఆయన చెప్పుకొచ్చారు.