మలయాళ స్టార్ హీరో; అదృష్టమే నన్ను కాపాడింది, లేదంటే…

మలయాళ స్టార్ హీరో ఫాహద్ ఫాసిల్ కి మంచి క్రేజ్ ఉంది. ఆయన సినిమా కోసం ఎంతో మంది ఫ్యాన్స్ ఈగర్ గా వెయిట్ చేస్తుంటారు. వారందరికీ గుడ్ న్యూస్ ఏంటంటే… ఫాహద్ నటించిన ‘మాలిక్’ చిత్రం త్వరలోనే ఓటీటీలో అందుబాటులోకి రానుంది. కానీ, అదే సమయంలో కాస్త బ్యాడ్ న్యూస్ ఏంటంటే, ‘మాలిక్’ పెద్ద తెరపై చూడాల్సిన సినిమా. థియేట్రికల్ ఎక్స్ పీరియన్స్ అయితేనే ‘మాలిక్’ మూవీని ఆడియన్స్ ఎంజాయ్ చేస్తారు. కానీ, థియేటర్స్ లో వంద శాతం ప్రేక్షకుల్ని అనుమతించే అవకాశాలు ఇప్పుడప్పుడే లేకపోవటంతో ‘మాలిక్’ మూవీ నిర్మాత ఓటీటీ బాట పట్టాలని నిర్ణియంచాడు.
తన చిత్రం ‘మాలిక్’ డిజిటల్ స్ట్రీమింగ్ కి సిద్ధమవ్వటం కొంత అసంతృప్తేనని ఒప్పుకున్న ఫాహద్ ఫాసిల్ అదే సమయంలో ఓటీటీ నిర్ణయం టీమ్ అందరిదని చెప్పాడు. ఫ్యాన్స్ ని ‘మాలిక్’ సినిమా తప్పకుండా చూడమని అభ్యర్థించాడు. అయితే, ఫాహద్ ఫాసిల్ ‘మాలిక్’ సినిమా గురించి మాట్లాడుతూ తన మరో సినిమాని కూడా ఫేస్బుక్ పోస్టులో ప్రస్తావించాడు. అదే ‘మలయన్ కుంజు’. ఆ మూవీ షూటింగ్ సమయంలో అదుపు తప్పి పై నుంచీ కింద పడ్డాడు యాక్షన్ హీరో. దాంతో ఆయన ముక్కకు తీవ్ర గాయమైంది. డాక్టర్లు మార్చీ నెలల మొదట్లో బెడ్ రెస్ట్ అవసరమని చెప్పారు. అందుకే, ‘’నాకు అప్పట్నుంచే లాక్ డౌన్ మొదలైంద’’ని ఫాహద్ ఫాసిల్ అన్నాడు.
చాలా ఎత్తు నుంచీ పడ్డప్పటికీ సరిగ్గా ముఖం నేలకి తాకేప్పుడు చేతులు అడ్డం పెట్టుకోవటం వల్ల పెను ప్రమాదం తప్పిందని కూడా ఫాహద్ చెప్పాడు. ఆ విధంగా నేను ఎంతో అదృష్టవంతుడ్ని అంటూ ఆయన తన సొషల్ మీడియా పోస్ట్ ముగించాడు. ఒకవైపు గాయం, మరోవైపు లాక్ డౌన్ తో తీవ్ర ఒత్తిడిలో ఉన్న ఫాహద్ ఫాసిల్ కు రిలీజ్ తరువాత ‘మాలిక్’ ఎలాంటి ఫలితాన్ని అందిస్తుందో, చూడాలి…