పూర్తి స్థాయి నివేదిక తర్వాత నిజాలు: చిత్రపురి కాలనీ అధ్యక్షుడు అనిల్

తెలుగు సినీ వర్కర్స్ కో ఆపరేటివ్ హౌసింగ్ సొసైటీ లిమిటెడ్ పై సెక్షన్ 51 ఎంక్వైరీ వేశారు. సెక్షన్ 51 ప్రిలిమినరీ ఎంక్వయిరీ రిపోర్ట్ ఈ నెల 3న సొసైటీ కమిటీకి అందజేశారు. దాని ప్రకారం రిపోర్ట్ అందిన 30 రోజులలో జనరల్ బాడీ మీటింగ్ పెట్టి సభ్యులందరికీ వివరాలు తెలియజేయాలి. ఆ ప్రకారం ఈ నెల 29న జనరల్ బాడీ మీటింగ్ ఏర్పాటు చేస్తున్నాం. సెక్షన్ 51 ప్రిలిమినరీ ఎంక్వైరీ రిపోర్ట్ ఇచ్చిన ఫైండింగ్స్ పై సెక్షన్ 60 ఎంక్వయిరీ కూడా వేయడం జరిగింది. ఎంక్వైరీ ఆఫీసర్ ఇచ్చినది ప్రాథమిక నివేదిక మాత్రమే. ఈ విషయమై చర్చించడానికి జనరల్ బాడీ మీటింగ్ పెట్టడమైనది. సెక్షన్ 60 ప్రకారం పూర్తి స్థాయి నివేదిక అందిన తరువాత నిజాలు తెలుస్తాయి. పూర్తి ఎంక్వయిరీ రిపోర్ట్ వచ్చే వరకు మీడియాను వేచి చూడమని కోరుతున్నాం. జనరల్ బాడీ మీటింగ్ తర్వాత అన్ని విషయాలు మీడియా సమావేశం ఏర్పాటు చేసి తెలియజేస్తాము. 1600 కుటుంబాల ఆవేదన అర్థం చేసుకుని ప్రాజెక్ట్ కు ఇబ్బంది కలగకుండా సహకరించాలని మీడియాను కోరుతున్నామని చిత్రపురి కాలనీ అధ్యక్షుడు అనిల్ కుమార్ వల్లభనేని కోరారు.