Captain Miller: సంక్రాంతి రేసులోకి మరో హీరో వచ్చాడమ్మా..

Captain Miller: కోలీవుడ్ స్టార్ హీరో ధనుష్ ప్రస్తుతం వరుస సినిమాలతో బిజీగా మారాడు. సార్ సినిమాహాతో తెలుగు ప్రేక్షకులకు పరిచయమై ఇక్కడ కూడా మంచి విజయాన్ని అందుకున్నాడు. ఇక ఈ సినిమా తరువాత ధనుష్ అన్ని సినిమాలపై తెలుగు ప్రేక్షకులు సైతం అంచనాలను పెట్టుకోవడం మొదలుపెట్టారు. ప్రస్తుతం ధనుష్ నటిస్తున్న చిత్రం కెప్టెన్ మిల్లర్. అరుణ్ మత్తేశ్వరన్ దర్శకత్వం వహిస్తున్న ఈ చిత్రాన్ని సత్యజ్యోతి ఫిల్మ్స్ బ్యానర్ ఫై టీజీ జ్ఞానరాజన్ నిర్మిస్తున్నాడు. ఇక ఈ సినిమాలో ధనుష్ సరసన ప్రియాంక మోహన్ నటిస్తోంది. ఇప్పటికే ఈ చిత్రం నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి.

Pushpa 2: గంగమ్మ తల్లి జాతర సాంగ్.. రికార్డులు గల్లంతే.. ?

1930-40ల నేపథ్యంలో సాగే పీరియాడికల్‌ సినిమాగా ఈ సినిమా తెరకెక్కుతోంది. అయితే ఈ సినిమా ఎప్పుడెప్పుడు రిలీజ్ అవుతుందా అని అభిమానులు ఎంతగానో ఎదురుచూస్తున్న తరుణంలో మేకర్స్ భారీ షాక్ ఇచ్చారు. సంక్రాంతి బరిలో కెప్టెన్ మిల్లర్ దిగుతున్నాడు అంటూ అధికారికంగా ప్రకటించారు. ఇప్పటికే సంక్రాంతి.. స్టార్ హీరోల సినిమాలతో పోటాపోటీగా ఉంది. అందులోనే ఎవరు తగ్గుతారు.. ఎవరు నెగ్గుతారు అనే అనుమానాలు ఉన్నాయి. అలాంటి సమయంలో నేను కూడా ఉన్నాను అంటూ ధనుష్ రేస్ లోకి దిగుతున్నాడు. అయితే పొంగల్ 2024 అన్నారు కానీ, ఏ రోజు అనేది మాత్రం ఇంకా చెప్పలేదు. గుంటూరు కారం, ఈగల్, హనుమాన్, సైంధవ్, ఫ్యామిలీ స్టార్ తో పాటు డబ్బింగ్ సినిమాలు కూడా లైన్లో ఉన్నాయి. ఇక వీటన్నింటిని దాటుకొని కెప్టెన్ మిల్లర్ ఏ రోజు వస్తుంది.. ? వచ్చాక ఎలాంటి రిజల్ట్ ను అందుకుంటుంది అనేది తెలియాలంటే సంక్రాంతి వరకు ఆగాల్సిందే.