Captain Miller: ఫ్రీడమ్ కు గౌరవమివ్వమంటున్న ధనుష్
Captain Miller: కోలీవుడ్ స్టార్ హీరో ధనుష్ గురించి ప్రత్యేకంగా చెప్పాల్సిన అవసరం లేదు. ఈ ఏడాది సార్ సినిమాతో ప్రేక్షకుల ముందుకు వచ్చి హిట్ అందుకున్న ధనుష్ ప్రస్తుతం కెప్టెన్ మిల్లర్ తో ప్రేక్షకుల ముందుకు రానున్నాడు. అరుణ్ మత్తేశ్వరన్ దర్శకత్వంలో తెరకెక్కుతున్న ఈ చిత్రాన్ని టీజీ త్యాగరాజన్ నిర్మిస్తున్నాడు. ఈ సినిమాలో ధనుష్ సరసన ప్రియాంక మోహన్ నటిస్తోంది. ఇప్పటికే ఈ సినిమా నుంచి రిలీజైన ప్రీ లుక్స్ ప్రేక్షకులను విశేషంగా ఆకట్టుకున్నాయి. ఈ చిత్రంలో గుబురు గడ్డం, పొడవైన జుట్టుతో ధనుష్ కనిపించనున్నాడు. ఇక ఎప్పటినుంచో ఈ సినిమా ఫస్ట్ లుక్ పోస్టర్ కోసం అభిమానులు ఎంతగానో ఎదురుచూసారు. తాజాగా ఆ ఎదురుచూపులకు మోక్షము లభించింది. కెప్టెన్ మిల్లర్ పోస్టర్ ను మేకర్స్ అధికారికంగా రిలీజ్ చేశారు.
Polimera 2 Teaser: పొలిమేర టీజర్.. చేతబడితోనే ప్యాంట్ తడిచేలా భయపెట్టేస్తున్నారు కదయ్యా
పోస్టర్ వేరే లెవెల్ లో ఉందని చెప్పాలి. ఒక వందమందిని మట్టుపెట్టి.. ఆ యుద్ధ ప్రాంతంలోనే ప్రశాంతంగా గాలి పీల్చుకుంటున్నట్లు కనిపించదు ధనుష్. చేతిలో మెషిన్ గన్.. ఒళ్ళంతా రక్తంతో యుద్ధవీరుడు గెలిచి నిలబడినట్లు కనిపిస్తోంది. ఇక ఈ పోస్టర్ కు ధనుష్ పెట్టిన క్యాప్షన్ ఆకట్టుకుంటుంది. ” రెస్పెక్ట్ ఈజ్ ఫ్రీడమ్” అంటూ రాసుకొచ్చాడు. ప్రస్తుతం ఈ పోస్టర్ నెట్టింట వైరల్ గా మారింది. ఈ సినిమాపై అభిమానులు భారీ అంచనాలను పెట్టుకున్నారు. అవుట్ అండ్ అవుట్ యాక్షన్ ఎంటర్ టైనర్ గా ఈ సినిమా తెరకెక్కించాడు అరుణ్. పాన్ ఇండియా సినిమా గా వచ్చే ఏడాది ఈ సినిమా ప్రేక్షకుల ముందుకు రానుంది. మరి ఈ సినిమాతో ధనుష్ ఎలాంటి హిట్ ను అందుకుంటాడో చూడాలి.