Arya: శ్రేష్ఠ్ మూవీస్ ద్వారా తెలుగులో ‘కెప్టెన్’!

కోలీవుడ్ స్టార్ ఆర్య కథానాయకుడిగా నటించిన సినిమా ‘కెప్టెన్’. ఐశ్వర్య లక్ష్మి, సిమ్రాన్, హరీష్ ఉత్తమన్, కావ్య శెట్టి, గోకుల్ నాథ్ ఇతర ప్రధాన తారాగణం. ఈ చిత్రానికి శక్తి సౌందర్ రాజన్ దర్శకుడు. థింక్ స్టూడియోస్ అసోసియేషన్‌తో ది స్నో పీపుల్ పతాకంపై ఆర్య దీనిని నిర్మించారు. సెప్టెంబర్ 8న ఈ సినిమా ప్రేక్షకుల ముందుకు వస్తోంది. తెలుగులో ఈ సినిమాను ఇటీవల ‘విక్రమ్’ చిత్రాన్ని విడుదల చేసిన శ్రేష్ఠ్ మూవీస్ ద్వారా ప్రముఖ నిర్మాత, డిస్ట్రిబ్యూటర్, హీరో నితిన్ తండ్రి సుధాకర్ రెడ్డి విడుదల చేస్తున్నారు. ఆర్య, దర్శకుడు శక్తి సౌందర్ రాజన్ కలయికలో రెండో చిత్రమిది. ఇంతకు ముందు వీళ్ళిద్దరూ ‘టెడ్డీ’ సినిమా చేశారు. ‘కెప్టెన్’ విషయానికి వస్తే… వినూత్న కథాంశంతో సినిమా రూపొందింది. సోమవారం యూత్ స్టార్ నితిన్ తెలుగు ట్రైలర్ ను విడుదల చేశారు.

‘కెప్టెన్’లో ఇండియన్ ఆర్మీ ఆఫీసర్ రోల్ చేశారు ఆర్య. కెప్టెన్ విజయ్ కుమార్ పాత్రలో నటించారు. ట్రైలర్ ఫుల్ యాక్షన్ ప్యాక్డ్ ఉంది. రెగ్యులర్ ఆర్మీ బేస్డ్ సినిమాలకు కంప్లీట్ డిఫరెంట్ స్టోరీతో హాలీవుడ్ స్థాయిలో సినిమా తెరకెక్కించారని ట్రైలర్ చూస్తే అర్థం అవుతోంది. ఒక అడవిలో వింత జీవులను ఎదుర్కోవడానికి హీరో అండ్ టీమ్ వెళ్ళినప్పుడు ఏమైందనేది కథగా తెలుస్తోంది. ఈ సినిమాలో ఆర్య జోడీగా ఐశ్వర్య లక్ష్మి కనిపించారు.