Jessie: బిగ్ బాస్ ఫేమ్ జస్వంత్ పడాల (జెస్సీ) నటించిన సినిమా ‘ఎర్రర్ 500’. సాందీప్ మైత్రేయ దర్శకత్వంలో యు. బాలరెడ్డి దీనిని నిర్మించారు. నక్షత్ర త్రినయని, హీరోయిన్ గా నటించిన ఈ సినిమా ట్రైలర్ లాంచ్ కార్యక్రమం గ్రాండ్ గా జరిగింది. దీనిలో దర్శకుడు వి. ఎన్ ఆదిత్య , హీరో ఆకాష్ పూరితో పాటు బిగ్బాస్ రవి, సోహెల్, సిరి, కాజోల్, నేహా చౌదరి, అర్జున్ కళ్యాణ్ తదితరులు పాల్గొన్నారు.
ట్రైలర్ ఆవిష్కరణ అనంతరం వి. ఎన్. ఆదిత్య మాట్లాడుతూ, ”ఈ సినిమా రిలీజ్ ప్లాన్ ఏమిటని సాందీప్ గారిని అడిగాను. ‘సంతోషంస సురేష్ చూసారని చెప్పారు. మరో ఆలోచన లేకుండా మీ సినిమా చాలా సేఫ్ హాండ్స్ లో వుందని చెప్పాను. సురేష్ వండర్ ఫుల్ డిస్ట్రిబ్యూటర్. ఆయన జడ్జ్ మెంట్ బావుంటుంది. ‘ఎర్రర్ 500’ జెస్సికి యాప్ట్ టైటిల్. ఒకేసారి మల్టిపుల్ టాస్క్ లు చేయగలడు. నేను రెగ్యులర్ గా బిగ్ బాస్ షో చూస్తాను. అందులో నాకు నచ్చినవారంతా ఈ వేడుక లో వుండటం ఆనందంగా వుంది. ఈ స్టేజ్ పైకి వస్తుంటే సడన్ గా ‘ఆదిత్య 369’ గుర్తుకు వస్తోంది. కాలానికి వెనక్కి వెళ్లి బిగ్ బాస్ సీజన్ 5, ముందుకు వెళ్లి టాలీవుడ్ ఇండస్ట్రీ ఫ్యూచర్ ని చూస్తున్నట్లు అనిపించింది. ‘ఎర్రర్ 500’ ట్రైలర్ బ్రిలియంట్ గా వుంది. జెస్సి, సాందీప్ టీం అందరికీ ఆల్ ది బెస్ట్” అని అన్నారు. జెస్సీ మాట్లాడుతూ, ”ఈ మూవీ కోసం చాలా హార్డ్ వర్క్ చేశాం. సినిమా అద్భుతంగా వచ్చింది. మా నిర్మాతలు ఎంతో నమ్మకంతో ఎక్కడా రాజీ పడకుండా దీన్ని నిర్మించారు. వారి నమ్మకాన్ని నిలబెట్టుకుంటాం. దర్శకుడు సాందీప్ యూనిక్ కథతో దీన్ని రూపొందించారు. మీ అందరికీ తప్పకుండా నచ్చుతుంది. ఫణి కళ్యాణ్ మంచి మ్యూజిక్ ఇచ్చారు. ఈ వేడుకకి విచ్చేసిన అందరికీ పేరు పేరునా కృతజ్ఞతలు” అని అన్నారు. దర్శకుడు సాందీప్ మాట్లాడుతూ, ”జెస్సికి సినిమాలంటే చాలా ప్యాషన్. ఎంతో అంకిత భావంతో ఈ సినిమా చేశాడు. ట్రైలర్ లానే సినిమా కూడా చాలా వైవిధ్యంగా వుంటుంది” అని అన్నారు. ఈ కార్యక్రమంలో అతిథులుగా పాల్గొన్నవారంతా చిత్రం విజయం సాధించాలనే ఆకాంక్షను వ్యక్తం చేశారు.
