ప్రముఖ నిర్మాత బెల్లంకొండ సురేశ్ రెండో కుమారుడు గణేశ్ అన్న సాయి శ్రీనివాస్ అడుగుజాడల్లో నడుస్తూ హీరో అయ్యాడు. రెండేళ్ళ క్రితం పవన్ సాదినేని దర్శకత్వంలో బెల్లంకొండ గణేశ్ డెబ్యూ మూవీ మొదలైంది. ఆ తర్వాత రెండో సినిమాకూ శ్రీకారం చుట్టేశాడు. ఈ రెండు తుది మెరుగులు దిద్దుకుంటున్న సమయంలోనే ఇప్పుడు ముచ్చటగా మూడో సినిమాను పట్టాలెక్కించేశాడు బెల్లంకొండ గణేశ్.
Read Also : తెలుగులో రాబోతున్న కార్తీ ‘మద్రాస్’
‘నాంది’ వంటి థాట్ ప్రొవోకింగ్ మూవీని నిర్మించిన సతీశ్ వర్మ… బెల్లంకొండ గణేశ్ హీరోగా తేజ శిష్యుడు రాకేశ్ ఉప్పలపాటిని దర్శకుడిగా పరిచయం చేస్తూ మూవీ నిర్మిస్తున్నారు. ఎస్. వి. -2 ఎంటర్ టైన్ మెంట్స్ బ్యానర్ లోని ఈ రెండో సినిమా పూజా కార్యక్రమాలు నిరాడంబరంగా జరిగాయి. ముహూర్తపు సన్నివేశానికి ప్రముఖ నిర్మాత ‘దిల్’ రాజు క్లాప్ కొట్టగా, ‘అల్లరి’ నరేశ్ కెమెరా స్విచ్చాన్ చేశారు. వచ్చే నెల నుండి రెగ్యులర్ షూటింగ్ మొదలు కానున్న ఈ చిత్రానికి కృష్ణ చైతన్య మాటలు, పాటలు రాశారు. మహతి స్వర సాగర్ సంగీతం అందిస్తున్నారు. చోటా కె ప్రసాద్ ఎడిటర్ కాగా అనిత్ సినిమాటోగ్రాఫర్ గా వర్క్ చేయబోతున్నాడు. ఇదో న్యూ ఏజ్ థ్రిల్లర్ మూవీ అని దర్శక నిర్మాతలు తెలిపారు.
