Barrelakka: కాబోయే భర్తతో వీడియో వదిలిన బర్రెలక్క.. ఎవరో, ఎలా ఉన్నాడో చూశారా?

Barrelakka Pre Wedding Shoot Video goes viral: తెలుగు రాష్ట్రాల్లో బర్రెలక్క అనే పేరుతో ప్రత్యేకంగా పరిచయం అవసరం లేదు. నిజానికి ఆమె అసలు పేరు శిరీష కానీ తనకు డిగ్రీ చదివిన తర్వాత కూడా ఉద్యోగం లేదు కాబట్టి బర్రెలు కాసుకుంటున్నాను అంటూ చేసిన వీడియో వల్ల ఆమె సోషల్ మీడియాలో బాగా వైరల్ అయింది. దీంతో ఆమెకు బర్రెలక్క అనే పేరు కూడా పెట్టారు నెటిజనులు. రాజకీయాల మీద ఆసక్తి ఉందో లేక నిజంగానే నిరుద్యోగుల సమస్యల మీద పోరాడాలి అని నిర్ణయించుకుందో కానీ ఆమె గత తెలంగాణ అసెంబ్లీ ఎన్నికల సమయంలో తన సొంత నియోజకవర్గం కొల్లాపూర్ నుంచి ఇండిపెండెంట్ అభ్యర్థినిగా పోటీ చేసి దాదాపు 5 వేల పైచిలుకు ఓట్లు సాధించింది. ఎలాంటి బ్యాక్ గ్రౌండ్ లేని ఆమె పోటీ చేయడంతో రామ్ గోపాల్ వర్మ, వైఎస్ జగన్ వంటి వాళ్లు కూడా ఆమె పేరును ప్రస్తావిస్తూ పలు సార్లు వ్యాఖ్యలు కూడా చేశారు.

Naga Chaitanya: ప్రేక్షకుల్ని వణికించిన డైరెక్టర్‌ని లైన్‌లో పెట్టిన చైతూ

అయితే ఆమె పోటీ చేసిన సమయంలో ఆమెకు వివాహం చేస్తే ఎక్కువ కాలం నిలుపుకోలేక విడాకులు తీసుకున్నట్లు ఆమె తండ్రి తెరమీదకు వచ్చి కొన్ని ఆరోపణలు కూడా గుప్పించారు. అదలా ఉంచితే తాను వివాహానికి సిద్ధమైనట్లు కొద్దిరోజుల క్రితం బర్రెలక్క ఒక వీడియో పోస్ట్ చేసింది. అందులో ఆమెకు ఎంగేజ్మెంట్ నిమిత్తం మేకప్ చేస్తున్నట్లు కనిపించింది. ఇక ఇప్పుడు తన కాబోయే భర్తతో కలిసి ఒక ప్రీ వెడ్డింగ్ షూట్ వీడియోని ఆమె సోషల్ మీడియాలో షేర్ చేసింది. ఆమె కాబోయే భర్త పేరు వెంకటేష్. తెలంగాణలోని నాగర్ కర్నూల్ జిల్లా పెద్ద కొత్తపల్లి గ్రామానికి చెందినవాడు. ఫిజిక్స్ ఎమ్ఎస్సి చదువుకున్న వెంకటేష్ జాబ్ చేస్తుండగా పెద్దలు ఈ సంబంధం కుదర్చినట్టు చెబుతున్నారు. ఇక మార్చి 28న వెంకట్-శిరీషల వివాహం నాగర్ కర్నూల్ లో ఘనంగా జరగనుంది. త్వరలో తెలంగాణలో పార్లమెంట్ ఎలక్షన్స్ జరగనున్న క్రమంలో గతంలో ప్రకటించిన విధంగానే బర్రెలక్క పోటీ చేస్తుందే లేక పెళ్లి చేసుకుంటోంది కాబట్టి గృహిణిగా ఇంటికే పరిమితం అవుతుందో ? అనేది చూడాలి.